.

Kontak ons

Kontak gerus Dr. Abel Pienaar, direkteur van die Sentrum vir Eietydse Spiritualiteit, by

Ons glo aan privaatheid en belowe om nooit jou kontak besonderhede met ander deel nie.

Ons nooi alle lesers om hulle belewenis en opinie deur te gee aan SES of direk aan ons skrywers. Onderaan die artikels verskyn gewoonlik die skrywer se e-pos adres.

Stuur vir ons ‘n brief

Ons stel belang in jou kommentaar en reaksie op enige gegewe artikel en jou denke rondom die soeke na eietydse spiritualiteit. Ons sal elke maand uittreksels publiseer – of volledige artikels.

Indien jy verkies om 'n skuilnaam te gebruik, verskaf asb. ook aan ons jou regte naam en kontak-besonderhede. Dit sal nie aan ander bekend gemaak word nie, maar SES kan nie briewe sonder daardie inligting publiseer nie. Maak asb. aan ons duidelik hoe jy dit verkies.

Stuur briewe en bydraes aan Dr. Abel Pienaar by

 

Briewe Junie 2017

Ek wil ook my opinie lewer in reaksie op Paul Roos se skrywe op SES se brieweblad. Dit is 'n baie mooi stukkie apologetiek. Maar oortuig my nie. Wie het besluit die mens bestaan uit "drie elemente"? Is dit nie maar ook weer 'n menslike tradisie uit die een of ander kultuur nie? Dit is maar net 'n gryp na strooihalms. Eintlik is dit 'n ontkenning van wie Jesus waarskynlik was: 'n doodgewone Jood sonder die vreeslike triniteitsleer. Die boek van Van der Heever lyk interessant en ek beplan om dit te lees. Die boek doen skynbaar baie om ou mites af te breek, wat goed is, maar of die boek werklik 'n rigtingaanwyser is van wat die mensdom met die kerk moet doen, dit is nie vir my duidelik uit die onderhoude en resensies wat ek tot dusver gelees het nie. Die kerk is duidelik besig om 'n stadige dood te sterf. In die onderhoud word daar gepraat van die feit dat die NG kerk nou meer fundamentalisties raak die laaste ruk. Daar is 'n goeie rede daarvoor.
Die bietjie wat van die kerk oor is, is oud en behoudend. Op die platteland is daar weinig oor van die NG kerk. Daar is eintlik geen antwoord op wat die mens met die kerk moet doen nie. Die NG kerk is vandag irrelevant. Hulle lewer uitsprake oor mense se seksualiteit waaraan niemand hulleself meer steur nie. Wat die ander denominasies betref, is die saak egter anders dink ek. Veral in stedelike gebiede waar hulle baie mense trek. Ek sal liewer nie name noem nie. Maar ek sien uit om die boek onder oë te kry. Ek vermoed daar is dele wat ek baie sal geniet. Soos altyd wil ek julle bedank vir die goeie werk wat julle doen. Ek was anderdag in Gauteng, toe gesels ek met een man wat sê hy woon julle geleenthede by! As ek nou net nader was, dan het ek ook! Vriendelike groete.
Barend van der Merwe

Dankie vir die wonderlike werk wat SES doen!
Piet Badenhorst (Pretoria)

Kan nie wag vir die 1ste van elke maand nie ... dankie aan Abel en sy span.
Hessie de Villiers (George)

Briewe Mei 2017

Ek het vanoggend op die S.E.S. se webblad afgekom en vind dit baie interessant. Wat ook interessant is, die wye spektrum van reaksies op 'n bepaalde artikel of brief. Ja ek het baie vrae rondom die Bybel, maar sal graag meer daaroor wil sê in die toekoms. Neem byvoorbeeld Mar 12:30. Dit weerspieël die drie-enigheid van God en ook dat daardie selfde drie elemente in 'n mens gesetel is: hart/siel, verstand, en kragte (dade). Baie mense verwerp die Bybel en sê, "die drie-enigheid maak nie sin nie." Maar mens kan ook sê: "Omdat dieselfde drie elemente in my gesetel is, beteken dit, ek as mens, is 'n beeld van God." En so kry mens 'n spektrum van sieninge, tussen daardie twee uiterste pole. Die Bybel maak nie 'n skeidslyn, van hoe jy moet glo nie, maar stel sonder enige twyfel 'n duidelike grens. Daardie grens moet nooit vervaag word. Neem byvoorbeeld die verhaal van Noag se ark en die sondvloed. Mens kan die storie aanvaar net soos dit is of meer analities daaroor dink, besluit dis fisies onmoontlik om al die diere spesies en hulle kos in 'n hout skip te vergader, en op grond daarvan besluit om die Bybel te verwerp. Mens kan ook sê, (1) God was in beheer. Ek kan in die Karoo sien daar was eens 'n verskriklike klomp water, so iets het wel gebeur. (2) God het wel ingegryp, maar ek weet nie hoe nie. (3) Dis my keuse om te glo in God se ingryping al verstaan ek nie die fisiese implikasies nie, net soos dit daar staan. (4) Die keuse is myne want Jesus het gesê dat Hy klop aan die deur van ons harte, en ons moet dit self oopmaak. As jy na die evangelies kyk, dan kry jy ook 'n spektrum van hoe hulle Jesus gesien het. Johannes (die dissipel wie Jesus die liefste gehad het) kyk uit 'n spirituele oogpunt. Lukas was meer klem gelê op die chronologiese aspek van Jesus se evangelisasie. Jy kan dus 'n oorsaak-gevolg benadering hê: Die wonderwerk van water na die heel beste wyn, op die bruilof was 'n aankondiging van die boodskap wat almal se verwagtinge oortref. Dan volg die doop op dieselfde plek in die Jordaan, waar Israel die beloofde land gekom het. Dan die legitimiteit van Jesus ... "Dis is My geliefde Seun..." Jesus se toets in die woestyn. Dan die talle voorbeelde waar Jesus individue se sondes vergewe (nie 'n algemene amnestie nie, maar "een-op-een") esm. Daar is dus 'n beplande struktuur in Jesus se werk, wat slegs duidelik word, as jy dinge chronologies sien. Daar is 'n superieure intelligensie, wat agter die Bybel staan. Daar is ook die aller mooiste persoonlikheid. Sy Seun het alleen verlaat, gesterf, maar ons kan kies soos die twee saam met Hom gekruisig, om Jesus te verwerp, of deur Hom geestelik begelei te word, in ons sterwensuur. Solank mens daardie groot skeidslyn erken en in Hom en Sy orde glo, (Mat. 5:18), moet mens ander se standpunte eerbiedig. Ek sal in die toekoms, meer na julle bladsy kyk.
Groete, Paul Roos

Soos gewoonlik is die maand se leesstof insiggewend en verligtend. Ons kon nog geen ander plek (in Afrikaans!) soveel diepte en oopdenke vind nie. Dankie aan almal by Ses.
Berta en Hendrik de Jager

Puik artikels. Dankie!
Susan (Carltonville)

Abel, baie dankie vir jou skrywes. Dit dra my deur elke maand, ek kan nie wag vir die volgendes nie.
Vic du Toit (Mooiplaas)

Abel, dankie dat jy hierdie ruimte moontlik maak. Nou kan mense soos ek ook tuis voel ... want julle skryf mense se beperkte denke oop!
PD (Robertson)

Briewe April 2017

Dit is nou al etlike jare wat ek skrywes en publikasies van die here Udo Karsten, Jurie van den Heever, S. Spangenberg, Willie Esterhuisen, Abel Pienaar bestudeer. Dan hulle voorlopers en mentors soos Bart Ehrmann en sy clan. Natuurlik moet ek die “plastiek predikers” van Prof. Jurie in sy artikel “Quo Vadis?” ook insluit. Ek lees en bestudeer letterlik elke artikel wat oor geloof handel wanneer ek dit ontvang.
Dit gaan my verstand te bowe dat al hierdie geleerde menere soveel Bybelkennis en “-waarheid” kan put deur mekaar se geskrifte te lees, en hulle Teologie daarop te bou. In al die honderde geskiffies deur hulle wat ek bevoorreg was om te bestudeer kom ek twee dinge agter.
1. Hulle stem absoluut saam met mekaar oor hulle bevindings sonder om een betroubare teks uit die ou testament (of die nuwe) aan te voer as bewys van hulle “waarheid!” Volgens ek die Bybel verstaan is waarheid alleenlik gegrond in God en soos Hy dit aan ons oorgelewer het. Dit kom in kort hierop neer: as God dit nie deur Sy profete gesê het nie, en Jesus dit nie gepraat of gelewe het nie, is dit nie van God nie. Dan is dit ’n leuen!
2. Ek het nog nie dusvêr gesien dat een van hulle die menslikheid van Jesus bewys uit die Bybel self nie! Hulle doen dit wel, en nogal heel aanvaarbaar, deur ou papirusse en oorlewering hulle woord te laat bevestig. Maar dit is tog so duidelik deur God self in Deut. 18:18 beskryf toe Hy Jesus se titel, sy herkoms en sy werk gespesifiseer het. Ek noem dit die mees vergete (vermyde) teks in die Bybel.
Ek glimlag elke keer as ek dit aan enige Christen noem en verduidelik. Ai, die verbasing wanneer hulle by my wil weet waarom hulle eie Dominee hulle dit nie vertel het nie... Ek vermoed die rede is, soos Prof. Jurie dit ook gestel het, dat hulle dit nie durf waag nie, want more sit hulle sonder ’n joppie.
Hiermee nooi ek almal wat eerlik twyfel aan Jesus se Goddelikheid om na die webwerf, kindersvangod.co.za te gaan. Daar is artikels oor vele onderwerpe, sommige regtig omstrede, wat wyd kommentaar en bespreking uitlok. Daar kan U ook die jongste boek deur my sien. Hierdie boek, wat ongeveer twee jaar se ernstige, diep denke en besinning gevra het, is anders as enige geloofsboek ooit. Dit is werklik “God se Boek!”
Ek weier om ’n Christen genoem te word, en die rede is tog so voor die hand liggend. 1. Een van julle skrywers het dit gestel dat byna alle gevangenes in SA Christene is, teenoor die Skandinawiese lande wat hoofsaaklik nie-Christelik is, en hulle gevangenisse byna leeg staan! 2. Terwyl Jesus, die Christene se leier, dit duidelik gestel het dat jy niemand mag oordeel nie, is dit hulle geliegkoosde stokperdjie. 3. Deur God van egbreuk te beskuldig met Josef se vrou, het dit die mees populêre tydverdryf vir Christene geword. “As God dit kon doen, waarom nie ek ook nie?”
Andre Bekker
/ 0791807663

Beste Dr. Pienaar
Ek het vanoggend op die webtuiste van SES afgekom, en wat 'n ontdekking was dit nie! Ek het u artikel getiteld "Smag jy na lewensgeluk" gelees. En het dit nie met my gepraat nie! Ekself is 'n deeltydse Sielkunde-student en mindfulness is my ding! Ek vind soveel aanklank by veral Kabat-Zinn en Thich Nhat Hanh se boeke. Die uitdaging bly egter om dit prakties deel van mens se lewe te maak. Vriendelike groete.
Marietjie Kotzé

Beste Abel
Ek was aangenaam verras en bly om, heel toevallig, SES te ontdek. Die artikels is insiggewend en leersaam en sluit mooi aan by my eie navorsing oor die afgelope maande.
Mag ek 'n voorstel maak dat jy miskien meer gebruik kan maak van sosiale media, te wete Facebook en Twitter. Ek meen dit sal 'n veel wyer invloed kan bewerkstellig, veral 'n SES Facebook blad.
Baie sterkte en voorspoed met julle werk – ek weet dis baanbrekerswerk en sterk teenstand van veral die kerkviruslyers is maar altyd 'n probleem.
Groete, Ryk

Meneer Pienaar, wat gaan hier aan? Jy praat mos nou 'n klomp nonsens! Miskien moet jy maar eerder na Oom Angus gaan luister en weer die Woord van God hoor praat ... In elk geval is daar baie meer wat God se woord ondersteun as julle klein groupie SES lesers. Ek bid vir julle almal!
Pieter Goosen (Zastron)

Al die menslike idees en teorieë. Hoekom nie net voor die Lewende God kniel en sy waarheid indrink nie? Hou op rondstrompel in die donker en kom na die Lig.
Ferdie Geyser (Hanover)

Abel dankie dat jy met integriteit en nederigheid voor loop. Jy is vir baie mense wat nie meer hulleself tuisvind binne die ou gelowe, 'n rigtingwyser en troos. Dankie, ons besef dit is 'n alleen plek waar jy is, maar onthou daar is baie wat jou nodig het om te wees wie jy is. Hou so aan!
Groepie nuwe denkers van Howick

Briewe Maart 2017

Al is ek lankal nie meer lid van enige formele geloofs-instelling nie, het ek tog opgegroei in die NG Kerk milieu op die platteland. As kosskoolkind moes ons naweke die kerkbanke volsit en so is ons as kinders tot die hel verdoem. Dit is by ons ingeprent dat Jesus ons enigste redder is en dat hy vir ons sondes gesterf het. Nou is ek 72 en dit is steeds die spyker waarop predikante hamer, Sondag na Sondag. Paasfees na Paasfees! Veral op die platteland, klein en groot karoo, waar ek die laaste 10 jaar gewoon en gewerk het. Daar waar ek soveel armoede en ellende aanskou het, het ek myself telkens die vraag gevra: Waarom predik die predikante nie vir hul lidmate oor die liefde en medemenslikheid wat Jesus Christus as voorbeeld vir die wêreld kom wys het nie? Nee, daar word net gehamer op die kruisiging en sterfte vir ons sondes! Dat Paasfees eintlik gaan oor "Om jou lewe nuut te maak", om jou denke te verander. Die idee dat Jesus vir ons sondes gesterf het? Hoe nou. Dan hou ons maar aan met sondig want ons is mos vergewe. Omdat ek 'n andersdenkende is en soekend is na my eie sinwees en die sin van die lewe, en nie saam met die troppe stap nie, is ek dikwels en word nog steeds gekruisig deur my familie en sommige vriende. Ek is summier veroordeel omdat ek nie die Bybel letterlik vertolk nie en hoe kan ek myself 'n Christen noem as ek nie die Kruisiging vertolk soos aan ons voorgehou nie. So glo ek ook nie aan die geloofsbelydenis nie. Vir jare het ek hierdie tweespalt in my omgedra omdat ek nie na die Kruisigingsboodskap wou gaan luister nie. Ek het wipplank gery met my geloofsoortuigings en skuldig gevoel daaroor. Nou het ek die artikel van Dr. Piet Muller gelees: "Mag ons nog glo?" En die artikel van Dr Flip Schutte oor die Pase. Daarom wil ek net sê, na aanleiding van beide artikels voel ek nou waarlik bevry van my vertwyfeling aangaande my geestes- en geloofsoortuigings. Baie dankie daarvoor! Baie dankie vir die platform wat julle skep vir andersdenkendes en enkel persone soos ek, wat nie altyd toegang het tot sulke gespreksgroepe nie.
In Lig en Liefde!
Cecile Pretorius

Energie vloei óf negatief óf positief. SES se skrywers daag my (en ons almal) uit om die vloei van ons energie te herkanaliseer en doeltreffend te bestuur, sodat ons nie net onsself nie maar die wêreld rondom ons kan positief beïnvloed. Dankie aan SES.
Prof. P.M. Keppler

SES. SES. SES Hoef ek meer te sê?!!!
Pastoor Gert

Abel en kie, dankie vir maand na maand se kwaliteit en in-diepte nadenke.
Afgetredene van Zastron

Briewe Februarie 2017

Dankie Abel vir diep en eerlike artikels, dankie ook aan die SES span.
Wierda (Rietfontein)

Abel Pienaar is te slim vir sy eie beswil. Net jammer hy mislei soveel naïewe jongmense met sy slinksheid. Ek bid die BLOED van CHRISTUS oor elkeen wat ooit met hom en sy valse lering in kontak kom. EK BID DIT IN JESUS CHRISTUS SE NAAM!!!
Pastoor Willem Pretorius (Krugersdorp)

Goeie werk! Dankie vir die maandelikse leesstof.
Pieta en Heleen Vermaak (George)

Briewe Januarie 2017

Dankie aan SES vir goeie artikels, ek kan gewoonlik nie wag vir die maand se leesstof nie.
Otto van der Veen (Brits)

Nuwe denke, nuwe idees ... maar eintlik ou leuens, ou misleidings. Ek bid vir elkeen wat hier lees, mag God julle verstand verlig!
Pastoor Gerrit

Dr. Abel,
So 'n week of drie gelede word 'n dame in 'n winkel sterk aangespreek deur 'n pastoor van een van die meer as 14 geloofsbedienings in ons dorpie. Sy het gepraat van haar geluk wat sy gehad het. Geluk, sê die pastoor is van die duiwel en dit hoort nie. Wat die arme dametjie se geluk was weet ek nie. 'n Week gelede staan ek en wag om my lotto kaartjie te koop (ja en ek hoop ek is gelukkig) by 'n ander winkel en daar is 'n redelike vertraging. En, glo my, die vertraging word veroorsaak deur dieselfde pastoor wat met 'n hand vol kaartjies met die die persoon agter die toonbank argumenteer. My mond het letterlik oopgeval. Dit laat my weer wonder oor al die briewe wat ek hier op SES lees en die soms veroordelende uitsprake deur soveel goeie gelowige Christene. Hoeveel van al die mooi gelowige mense het ook maar sulke dubbele standaarde en hoe werk die heilige gees in hulle harte?
Vollie V.

Dr. Abel, my kinders en vriende beskou my as ongelowig en selfs as verlore omdat ek openlik jou aanhanger is. Snaaks hoe mense veroordelend kan wees sonder om regtig iemand te ken ... Dankie vir jou earlike skrywes, ek waardeer dit baie!
Tannie Sandra B (Plattelandse aftree-oord, sal maar eerder nie ons naam noem nie!)

Briewe Desember 2016

"Hierdie Abel karakter is 'n aap."
"Jy is 'n klad op die Christen Afrikaner se naam. Wens jy wil net verdwyn."
"Abel Pienaar, jy is die Antichris."
"Abel het al sy varkies verloor."
"Abel, jy is 'n idioot, finish en klaar."
"Hierdie is die speelplek van Satan."
        Bostaande is enkele aanhalings uit briewe op hierdie blad. Ja, so word daar geoordeel en veroordeel deur sommige Christene. Christene? Onwillekeurig laat dit my dink aan wat Gandhi gesê het: "I like your Christ. I do not like your Christians. Your Christians are so unlike your Christ." Die soort woorde oor Abel en SES hierbo is bekend. Dit eggo die taal wat ek dikwels in my lang verbintenis met die NG Kerk moes aanhoor. Die taal van onverdraagsaamheid. Die hare het in baie gemeentes gewaai oor oënskynlike nietighede soos die nagmaalbeker, die vroue se hoede, die kerkraadslede se swart pakke, orkesmusiek in die kerkgebou (dis of ek nou nog hoor: "As julle 'n kitaar die Kerk inbring, is dit net so goed of julle Satan self hier inbring"), plaaslike kwessies (wil jy glo, selfs oor mev. Dominee se rooi lippe, destyds!) Ook oor ernstiger sake soos apartheid, kerkhereniging, Belhar, gays. Versoenende hande is dikwels weggeklap. Daar is oorgeloop na ander kerke, weggebreek, afgestig, geskeur. Leraars is spreekwoordelik in die rug gesteek, weggewerk uit gemeentes "...so unlike your Christ." Vir baie mense is Jesus Seun van God; vir baie ander 'n uitsonderlinge Joodse profeet, 'n leermeester. Maar vir álmal leer hy van die Liefde, 'n omvattende liefde wat vrede, verdraagsaamheid, vergewensgesindheid, nederigheid, respek insluit. As almal "ons naaste soos onsself" liefgehad het, sou ons 'n wonderlike wêreld bewoon het. Anders as in die aanhalings hier heel bo, vind ek in Abel Pienaar se boeke en artikels 'n nederige skrywer, diep en opreg op soek na die Sin van die Lewe, na Die Waarheid. Rigtinggewend. Sonder arrogansie, sonder venyn, sonder veroordeling. Dankie Abel.
Corrie Kühn (Jeffreysbaai)

Ek het nou net THYS HUMAN se artikel gelees en is oortuig hy is diep gelowig, want hy glo wat hy NIE WEET NIE EN IS DUS GELOWIG. Sy oortuiging van NON-TEïSME is ook gebaseer op onkunde en verskil nie van enige persoon wat ANDERS GLO nie. THYS SAL TUIS WEES EN VOEL AS HY SAAM MET AGNOSTE STEM en sê "WEET NIE" en daarby berus.
Deetlift (Parys)

Ek kan nie wag vir 2017 se uitdagings nie. Ek sien ook uit na die vele denkende skrywes wat in SES gaan verskyn. Sterkte vir die jaar aan Abel en sy span.
Henry en Drienie Voors

2017 is die jaar vir SES en Renaissance Gemeenskap om 'n groter impak te maak. Die behoefte is groot!!
Fanie Venter (Mosselbaai)

Dr. Abel, jy wil nie probeer om hierdie jaar 'n draai in die Noord-Kaap te maak nie? Huisvesting en etes sal geen probleem wees nie. Ons sal wat wou gee om jou te hoor praat en dit is ook nie net ons nie, daar is 'n hele paar mense hier wat so voel. Wie weet miskien is 2017 die jaar...
Adele, Rina en Veronica

Briewe November 2016

Abel behoort gelukkig aan 'n baie klein minderheids-groupie. Wat hulle self graag denkers noem. Ek persoonlik dink hulle is oningeligte, valse predikers. Gelukkig is hulle stemmetjies maar sag.
Pieter van der Merwe (Parkview)

Dankie aan SES vir nog 'n wonderlike jaar van diep deurdagte artikels. Julle is vir my onmisbaar op my reis.
Sanet du Preez (Bloemfontein)

Thanks for another year of great "food for thought" articles.
Jenny and Mike (Dublin)

Briewe Oktober 2016

Dr. Abel, dankie vir al die prikkelende en goed deurdenkte artikels.
Elna en Pieter

Abel Pienaar, is oorgeneem deur die gees van die Antichris. Ek bid vir jou!!!!
Pastoor Ben (Roodepoort)

Abel en ander skrywers, dankie vir goeie en insiggewende skrywes.
Hessie van Heidelberg

Dankie aan SES vir die wonderlike konferensie wat in vroeg Oktober saam met die Nuwe Hervorming Netwerk aangebied is. Werklike verruimende ervaring.
Henning

Briewe September 2016

My lewe het begin verander toe ek 'n boek oor meditasie uitgeneem het by die plaaslike biblioteek, maar nog steeds was dit 'n lang pad tot waar ek vandag is. En ten spyte van rigtingwysers neem ek nog gereeld die verkeerde besluite en verval in ou gewoontes. Daarom is ek so dankbaar vir mense soos Abel en Flip asook die ander se artikels. My ewige seënwense.
Pieter Conradie (Randfontein)

God is in beheer. Onse Hemelse Vader sorg vir alles, diere, plante en mense. Hou dus op om Sy raadsplan te bevraagteken. Al wat julle kan regkry daardeur is om meer en meer verlore en verdoem te wees.
Santie Krismaizer (Boksburg Noord)

Dankie weereens vir kwaliteit artikels.
Jan (Stilbaai)

Briewe Augustus 2016

Hierdie Abel karakter is 'n aap!
Gert

Die mens het iets gesoek om mense te beheer, en so het God ontstaan. Die sogenaamde Skepper van alles, die Bron. God en Jesus en ander gode is mensgemaak, net 'n groot liegstorie en bedrogspul.
Petro de Beer

Aaklig, ek kry julle baie jammer wat hierdie snert lees en dit glo. As ons God met ons verstand kon peil en verklaar dan is Hy mos nie werd om aanbid te word nie! Dis 'n kwessie van Geloof, julle dom verlorenes! Glo net!
Marita

With all due respect, ek dink Abel soek groot MOEILIKHEID! Die Christendom is die enigste ware Godsdiens op aarde. Christus se roeping was, Volg My, en as jy dit doen Abel, sal die ewige Lig ook oor jou skyn. Anders ... ek wil nie eers dink wat met jou gaan gebeur nie!
Wynand (Witbank)

Abel, ek wil by jou net die volgende weet: Was jy al ooit groot gedoop?
Herman van Bethal

Briewe Junie 2016

Abel dankie vir jou wysheid. Jy skyn in 'n donker wêreld!
Jan Fourie

Dr. Pienaar is 'n ware wysgeer. Kan nie wag om jou nuutste boek (Tao Te Ching) te lees nie.
Ferdi en Magda Malan (Pretoria)

Dankie SES. Goeie artikels, hou so aan, julle woorde bereik vele mense wyd en ver.
Pieta

Abel, ek is so dankbaar vir jou vertaling van die Tao ... puik werk!
Martin Verster (Klein Kariba)

Wonderlik!! Die Dao De Ching in Afrikaans ... dis 'n literêre eerste! Goed gedoen.
Verda (Universiteit Pretoria)

Briewe Mei 2016

Ek verwys na Abel se skrywe op Netwerk24 i.v.m. Lewe na die Dood. Hy skryf: "Ek persoonlik aanvaar my sterflikheid en werk hard daaraan om die idee oor die Groot Niks of 'terugkeer na vanwaar ek kom,' te aanvaar." Die idee van die "Groot Niks" maak nie vir my sin nie. Waarom is ons dan hier? Ek dink werklik die mens is iets meer as 'n boom wat hier op aarde is om aan mense koelte te verskaf en dan eendag weer om te val en deel van die aarde (kosmos) te word.
Johnnie Johnson (Middelburg, 082 818 6027)

SNERT, snert. Snert! Die enigste WAARHEID is te vind in die WOORD VAN DIE LEWENDE GOD.
Pietman (Brits)

Dok Abel, ek kan nie wag vir jou vertaling van die Tao Te Ching nie ... 10 Julie is nog soooo ver ...
Gerda Janse van Rensburg (Nelspruit)

Groot dank aan al die skrywers. Werklike goeie leesmateriaal. Dit laat 'n mens buite die kassie dink. Dankie!
Brandon (London, UK)

Briewe April 2016

Baie dankie vir die spesifieke twee artikels. Die wysheid daarin vervat het die essensie van my lewe werkilik positief beïnvloed soos weinig ander. Min woorde; nie boeke vol nie. Akkuraat en doelgerig. Puik. Baie dankie.
Wimpie Mubi

Kwaliteit skrywes! Dankie aan SES se span.
Pieter de Klerk

Om ware eietydse spiritualiteit te ontdek is nie om die Woord van God – Wat onfeilbaar is! (ongeag wat professors daarvan sê of dink) te bevraagteken en af te water tot eietydse beskouinge en onskuldige Gelowiges daarmee te verwar nie. Nee, dit is om volgens Joh. 15 in Christus te wees, deur die Heilige Gees vervul te wees as 'n werklike belewenis en ervaring en te leef in Heiligmaking met die vrug van die Gees as getuienis daarvan. Baie van u artikels is baie interessant en kan geestelik volwasse mense uitdaag om opnuut hulself te meet aan wat werklik waar is (Christus is die Waarheid en nie julle sogenaamde moderne verklarings nie), maar julle is besig om baie sogenaamde moderne Afrikaners te verwar met halwe en verdraaide en menslik gemanipuleerde waarhede in plaas daarvan dat ons soos die Woord ons leer, soos kinders word en glo. Ek bid regtig dat u tot bekering sal kom voordat u voor die troon van Jesus, wat opgevaar het na die regterhand van Sy Vader en weer gaan kom op die wolke – wat u bevraagteken – sal moet staan en verantwoording moet doen vir al die verwarring wat u gesaai het.
Geestelike leier, Herman du Toit

Ou Abel wil tog so graag Christene en Moslems bevry. Maar al wat hy regkry is om gelowiges net meer na die Bybel te gryp. Ek hou my by die Woord van God. Dan is daar geen vrae en wonder nie, net weet!
Chris Nel

Heer Abel, ik heb zojuist van uw website leer ken en ben vervuld van dankbaarheid.
Jan (Beilen, Nederland)

Dankie vir SES se maandelikse insiggewende en leersame artikels. En dankie ook dat julle meer as een siening toelaat. Dit help 'n mens om jou eie oppinie te vorm. Vreeslik dankie!!
Sandra en Gert-Jan

Briewe Maart 2016

As die "kinders van God" hierdie twak glo sal julle ook enige ander "geloof" glo as die waarheid. Daar is net een WAARHEID!! En dit kry jy in die Nuwe Testament van die WOORD VAN GOD.
Bennie

Baie dankie vir inspirerende leesstof. Ons gesin kan nie wag vir elke maand se nuwe leesstof nie.
Kuuns van Krugersdorp

Wonderlik. Wonderlik. Wonderlik. Hou so aan!
Ziki Grant (London)

Dankie vir elke maand se Boekresensie, ek het al 'n paar juwele daar ontdek!
Hessie Goosen (Houtbaai)

Dok Abel, wanneer is jou vertaling van die Tao Te Ching op die rakke? Ons kan nie meer wag nie!
Petri van Somerset-Wes Boekklub

Briewe Februarie 2016

Elke dag word 'n mens uitgedaag om meer te dink, baie van die vrae wat die Bybel nie kan beantwoord nie. Dit is daarom so lekker om SES deel van my soeke te maak. Baie dankie vir al die artikels.
Neels Robinson (Sandton)

Abel, ek bid dat jy die lig sal sien! Die lig wat net van die Skepper kom, die lig wat in sy Seun sigbaar geword het vir ons klomp in die duister. Ek bid dat jy uit die duister sal kom na die lig!!
Hendrik de Waal (Clarens)

Dit is vir my duidelik dat die eer vir God Drie-Enig onbreek by jou Abel Pienaar. Jy doen Satan se werk, punt en klaar.
Peter Arend

Abel Pienaar, jy is 'n klad op die Christen Afrikaner se naam. Wens jy wil net verdwyn of tweede beste – jou mond toemaak en geen leuen verder verspei.
Henry Nel (Verwoerdburg Stad)

Ek kan nie wag dat 'n nuwe maand aanbreek om die artikels op SES te verorber nie. Dankie vir kwaliteit artikels!
Dr. Albert Maslangu (Noord-Wes)

Goeie artikels!
Prof. Deon Verbeeck

Briewe Januarie 2016

Geagte Dr. Pienaar
Ek geniet SES se maandelikse artikels terdeë. Ek kan nie wag dat 'n nuwe maand aanbreek om die nuwe artikels onder oë te kry nie. Wat Willie Booyens se artikel van Januarie 2016, nl. "Die heelal beskou as 'n kosmiese rekenaar" betref, vind ek dit ietwat steurend dat so 'n groot gedeelte van sy bydrae uit Engelse aanhalings bestaan. Ons is seker almal Engels magtig, maar waarom kan bydraers dan nie maar so veel moontlik van hul anderstalige aanhalings in Afrikaans weergee nie? Dit sal verseker lesersgenot in die proses bevoordeel. Groetnis
J. Coetzer

Ek het onlangs na 'n gasspreker op Kyknet geluister en hy het die woorde "EK IS 'n DIENAAR VAN DIE WOORD" ('n PREDIKER) gebruik. Hoe meer ek dit oordink hoe meer besef ek die waarheid van sy woorde. In alle gelowe met voorgeskrewe boeke soos die Bybel, Koran ens, staan of val die geloof by die "woord" en die bron skrywer. My vraag is dus: Word ons dan nie maar net 'n woord (BOEK) aanbidder nie?
Deetlift (Parys)

Na jare as lidmaat, kategeet en ouderling van die NG Kerk, het ek besluit om totaal te breek daarmee. Waar ek altyd net gehoor het van straf en beloning en 'n diepe onrus het ek 'n wonderlike kalmte in myself ontdek, toe ek die vryheid van "ongeloof" omhels het. Hiermee het jy (Dok Abel) baie gehelp. Dit is asof ek by jou 'toestemming' gekry het om te mag dink en vrae vra. Hiervoor sal ek jou ewig dankbaar wees!
Dewald W. (Rivonia)

Abel ek beskou jou as my spirituele leermeester! Dankie dat ek kan gaan waarheen jy wys.
Petro Cilliers (Noord-Kaap)

Briewe Desember 2015

Hannes O, ek het jou artikel gelees met aandag en ek stem saam met jou, dit is egter jou reg om jou eie denke te bepaal. Dit is egter nie jou reg om anders denkende persone te beledig en sleg te sê nie, die taal is tog so tipies. Gun ons om anders denkend te wees en respekteer elke person se reg.
Deetlift, Parys

Dr. Abel, dankie vir elke maand se artikels. Dit is kos vir 'n honger siel.
Selma du Preez (Kleinmond)

Abel Pienaar, jy is die Antichris. Wees dus gewaarsku! Lees jou Bybel om te sien wat jou voorland is ... Ek kan maar net bid vir jou siel, en glo my ek doen!
Chris Nel

SES, dankie vir 'n wonderlike jaar van diep en kwaliteit leesstof. Doen so voort.
Gert en Erna (Heidelberg)

Abel en mede skrywers, dankie. Julle het nie net my verryk nie maar ook 'n groot invloed om my spirituele groei gehad die afgelope jaar. Weereens dankie.
Sam Greyling

Dr. Abel, wanneer kan ons jou Afrikaanse vertaling van die Tao Te Ching op die rakke verwag?
Herman Little

Briewe November 2015

Ja, ek het Hannes Ollewagen se lang brief met aandag gelees, en al die aanhalings en verwysings is Bybels waar en reg. Maar dit is ook die geykte retoriek waarmee ek al 'n leeftyd kom en nog nooit werklik kon ervaar of ondervind nie, al het ook hoe hard probeer. Maar dan wonder ek waarom die God van die Bybel my dan die vermoë gegee het om te kan dink, te vra en te soek verder as die antieke denke waarmee ek al 'n leeftyd geïndoktrineer is. Ek het groot respek vir sy fundamentiese siening en weet dat vir eeue seker baie mense op die goeie weg gehou het, ook vir eeue die mens weerhou het om die Bybel te lees en enige intelligente denke met wrede teregstellings gestraf het, maar dit kon nog nooit die soeke na die groot waarheid onderdruk nie.
Baie dankie dat jy en al die ander denkers van hierdie blad steeds die vreeslike verdoemenis trotseer en ons elke maand help om buite die beperking van 'n antieke glaskoepel te dink.
Vollie V.

Wat 'n vrymakende, verligtende en eerlike tuiste is hierdie darem nie! Wonderlik! Dankie!
Die Olwagens uit Perth

Abel jy is my guru. Nie omdat ek dink jy is slimmer of verder gevorder as ek nie, maar omdat jy deur jou lewe 'n vingerwysing is na 'n groter waarheid as jyself. Namaste,
Julie Benner (Spain)

Dankie aan SES vir nog 'n wonderlike jaar van diepsinnige denke en spiritualiteit. Welgedaan!
Hester, Gertie en Du Preez van Dubai

Briewe Oktober 2015

Wanneer 'n mens na hierdie organisasie se bekendstelling gaan kyk onder die skakel "Wie is ons," word dit duidelik dat hierdie webwerf gerig is op die eer van mense en dat godsdiens ingespan word as 'n middel tot 'n doel. Die een na die ander geleerde se lof word besing en 'n mens kan nie glo dat soveel geleerde mense bymekaar soveel dwaasheid kan kwytraak nie. Dit blyk duidelik dat die nodige ontsag vir God Drie-Enig ontbreek by hierdie mense, hoewel hulle nie God se bestaan ontken nie. Dit is egter belangrik dat ons moet onthou dat die Satan ook nie God se bestaan ontken nie, maar dat hy homself daarteen verset – wat duidelik ook is wat die yweraars van SES doen. Jesus van Nasaret word ook op hierdie webwerf bespreek, maar daar word nie erken dat Hy die Verlosser en Saligmaker is nie en hierdie mense sal hierdie waarheid ook nie oor hulle lippe gespreek kan kry nie. In die verwelkoming aan die leser op hierdie webwerf word daar melding gemaak dat SES in Pretoria gestig is en dat hierdie organisasie "bestaan uit Afrikaners wat hulself sien as soekers na die waarheid." Ek vra myself die vraag af hoe mense iemand kan navolg wat OPENLIK ERKEN DAT HY DWAAL? Luister na Jesus Christus se waarskuwing teen mense soos hierdie! "Maar wee julle, skrifgeleerdes en Fariseërs, geveinsdes, want julle sluit die koninkryk van die hemele toe voor die mense; want julle gaan self nie in nie, en die wat sou ingaan, laat julle nie toe om in te gaan nie." (Matt. 23:13.) Die hoofde van hierdie organisasie erken openlik dat hulle op soek is na die waarheid. Hulle soek na die waarheid, omdat die gees van die waarheid nie in hulle woonagtig is nie. "En Ek sal die Vader bid, en Hy sal julle 'n ander Trooster gee om by julle te bly tot in ewigheid: die Gees van die waarheid wat die wêreld nie kan ontvang nie, omdat dit Hom nie sien en Hom nie ken nie; maar julle ken Hom, omdat Hy by julle bly en in julle sal wees." (Joh. 14:16-17.) Dit is onmoontlik om die gawe van die Heilige Gees te ontvang wanneer jy weier om Jesus Christus se Koningskap te erken! Hierdie mense se mistasting van die waarheid en rondtasting in die duisternis is werklik bejammerenswaardig. "Hulle soek na 'n sinvolle middelpunt." Die rede vir laasgenoemde is omdat hulle die Middelpunt van die ware geloof, nl. Jesus Christus as Verlosser en Saligmakende Middelaar, ontken. "en as Hy kom, sal Hy die wêreld oortuig van sonde en van geregtigheid en van oordeel: van sonde, omdat hulle in My nie glo nie;" (Joh. 16:8-9.) "As iemand in My nie bly nie, word hy uitgewerp soos die loot en verdroog, en hulle maak dit bymekaar en gooi dit in die vuur, en dit verbrand." (Joh. 15:6.) Die sinvolle Middelpunt staan reg voor hulle, maar hulle weier om Hom te erken, want deur dit te doen, sal hulle die waarheid erken dat Hy die Satan en sy mag vir ewig oorwin het. "En Jesus sê vir hulle: As God julle Vader was, sou julle My liefhê, want Ek het uit God uitgegaan en gekom; want Ek het ook nie uit Myself gekom nie, maar Hy het my gestuur. Waarom ken julle my spraak nie? Omdat julle na my woord nie kan luister nie. Julle het die duiwel as vader en die begeertes van julle vader wil julle doen. Hy was 'n mensemoordenaar van die begin af en staan nie in die waarheid nie, omdat daar in hom geen waarheid is nie. Wanneer hy leuentaal praat, praat hy uit sy eie, omdat hy 'n leuenaar is en die vader daarvan. Maar omdat Ek die waarheid spreek, glo julle My nie. Wie van julle oortuig My van sonde? En as Ek die waarheid spreek, waarom glo julle My nie? Die wat uit God is, luister na die woorde van God. Daarom luister julle nie, omdat julle nie uit God is nie." (Joh. 8:42-47.) Hierdie groep mense ag hul vrysinnigheid hoër as die gesag van God en daarom dat hulle doelbewus die Koningskap en heerskappy van Jesus verwerp om sodoende "hulself te regeer" asof hulle die reg daartoe het. "As Ek nie gekom en met hulle gespreek het nie, sou hulle geen sonde hê nie; maar nou het hulle geen verskoning vir hul sonde nie. Wie my haat, haat ook my Vader. As Ek nie die werke onder hulle gedoen het wat niemand anders gedoen het nie, sou hulle geen sonde hê nie. Maar nou het hulle dit gesien, en tog het hulle My sowel as my Vader gehaat. Maar die woord wat in hulle wet geskrywe is, moet vervul word: Hulle het My sonder oorsaak gehaat." (Joh. 15:22-25.) SES is dus nie 'n webtuiste vir vrydenkers en EERLIKE soekers nie, maar eerder 'n webtuiste vir vrydenkers en VERDWAALDE soekers wat sal aanhou mistas omdat hulle verduister is in hulle verstand! "Hulle is waterlose fonteine, miswolke voortgedrywe deur 'n stormwind, vir wie die donkerheid van die duisternis vir ewig bewaar word. Want deur trotse woorde vol onsin uit te spreek, verlok hulle deur begeerlikhede van die vlees en ongebondenheid die wat waarlik die mense ontvlug het wat in dwaling wandel. Hulle belowe vryheid aan hulle, terwyl hulle self slawe van die verdorwenheid is; want waar 'n mens deur oorwin is, daarvan het hy ook 'n slaaf geword." (2 Pet. 2:17-19.) "Want sekere mense het ingesluip wat lank tevore al opgeskryf is vir hierdie oordeel, goddelose mense wat die genade van onse God verander in ongebondenheid, en die enigste Heerser, God, en onse Here Jesus Christus verloën. Maar hierdie mense belaster alles wat hulle nie ken nie; en alles wat hulle, soos die redelose diere, op natuurlike wyse verstaan, daardeur gaan hulle te gronde." (Judas: 5 & 10). MAAR DIE SOGENAAMDE "VERKRAMPTE EN BEHOUDENDE AFRIKANER" SE LUIDE ANTWOORD OP JULLE DWASE KETTERY WIL ONS LUIDKEELS UITBASUIN IN DIE WOORDE VAN JUDAS :25 "aan die alleenwyse God, ons Verlosser, kom toe heerlikheid en majesteit, krag en mag, nou en tot in alle ewigheid! Amen."
Hannes Ollewagen (hannes@hungryweasel.co.za)

Dok Abel, dankie vir jou bereidheid om voor te loop. Dis vir iemand soos ek, wat maar bang is vir kritiek en konflik, 'n inspirasie.
Anoniem.

Baie goeie artikels. Wel deurdag en goed geskryf.
Hendrik (Strand)

Ek het jou artikel oor Die groot Misterie, baie geniet!
Chris C.

Briewe September 2015

In die televisiereeks Gregory House in die reeks "House" sê iemand op 'n keer: "Rational arguments don't usually work on religious people. Otherwise, there would be no religious people." Dink ek stem hiermee saam!!
Anton

Goeie artikels. Die probleem is uiteindelik dat die moderne wetenskap konsekwent sogenaamde godsdienstige waarhede verkeerd en vals bewys. Konflik tussen godsdienstige fundamentaliste en moderne wetenskap is dus onvermydelik.
Bertie Janse van Rensburg (VK)

Stem nogal saam met baie wat Abel skryf maar sy Boeddhistiese viewpoints bederf alles.
Yvonne

Ek verstaan nie wanneer gaan die pennie drop vir Abel en kie nie? Julle speel 'n gevaarlike speletjie ... God laat nie met Hom spot nie! Onthou my woorde wanneer julle lewens begin uitmekaarval. Wees gewaarsku!
Jan Gertsen (Potchefstroom)

Briewe Augustus 2015

Abel dankie. Elke maand se artikels is bevrydend en verligtend.
P

Jou nuutste boek is 'n absolute eye opener!
Herman du Preez (Klerksdorp)

According to Dr. Pienaar, Jesus spoke in metaphors so his undeveloped and poorly educated contemporaries would better understand what he wanted to convey to them. Abel is of the opinion that we should not make the mistake of literally interpreting these metaphors, but rather read the Bible as a mythological text. He tries to make a strong case in favour of the view that the real (historical) Jesus is not the same person as the Jesus of faith who is proclaimed in most churches. I do agree 100%.
Jason Wade (UK)

Jy (Abel) is 'n inspirasie vir baie van ons denkende studente!! Thanks!
Marie, Kobus en Deidre (Stellenbosch)

Briewe Julie 2015

Abel het al sy varkies verloor! Kan iemand hom tog nie uit sy lyding help nie.
Piet-Piet (Ermelo)

Dink nou net as Abel tot bekering kan kom ... hoeveel sou hy nie vir die Koninkryk van God kon beteken nie? Tans beteken hy niks vir niemand! Arme verlore siel!!!!
Gertie P (Garsfontein)

Dagsê Abel, ek wil graag met jou die volgende deel. Indien jou geestelike huis nie op die Rots Jesus gebou is nie gaan jy nie staande bly nie.
Ben B

God self sal julle monde nog snoer! Daardie dag kom, en is nader as wat julle vermoed. Hou maar aan om so te spot en twyfel te saai!
Die Profeet

Dankie vir die weldeurdagte artikels. Ek het veral laas maand se artikel deur Willie Booyens oor die Agnostiese Wêreldbeeld baie geniet. Baie goed deurdagte stuk.
Trix du Preez (Nylstroom)

Dankie dankie dankie, SES is 'n lig in die donker vir ons.
Bert en Janet (Singapoer)

Briewe Junie 2015

Dankie SES vir 'n oase van verligting en vrydenke!
Piet van der Walt (London, UK)

Hou so aan Abel, jy gee vir baie mense lig op hulle pad. En die lig wat jy gee, skyn nie op jou nie ... dit is om die pad so te verlig dat mense hulle eie weg kan vind.
Jan-Jan en selgroep (Boksburg)

Ek is 'n terapeut en gebruik jou boek "God se oë is blou" tot groot vrug in my praktyk. Jou eerlikheid help soveel mense met hulle eie soeke. Groot dank aan jou!
SP (Bloemfontein)

Jipee! Ek hoor dok Abel kom in Augustus by die Universiteit van Stellenbosch optree! Kan nie wag nie!!
Leandra (Stellies kunsstudent)

Briewe Mei 2015

Dr. Pienaar, ek is gereelde leser van SES se artikels, soms voel die maand te lank vir die volgende publikasie. Sal dit nie 'n goeie idee wees as die positiewe brief skrywers hul naam en dorp onder aan heg (vrywillig) dan kan ons moontlik bespreking groepies saamvoeg om beter te verstaan en bespreek?
Deetlift van Breda, Parys, Vrystaat

Abel dankie. Ek kan nie wag vir elke maand se artikels nie.
Pieter Parke (Nelspruit)

Dr. Pienaar jy probeer so hard om antwoorde te vind op die lewensvrae ... hoekom keer jy nie net eenvoudig terug na die waarheid waarmee jy grootgeword het nie. Dit is tog soveel beter as die menslike dinge wat jy nou bedink.
Peet Leegeman (Pretoria)

Abel baie geluk met jou toekenning vir jou nuwe boek. Ek is juis nou besig met hom en kan dit nie neersit nie. Jy is 'n woordsmit!
Hessie Pieterse (Paarl)

Geluk met jou nuwe boek en die Woordtrofee.
Jan en Gerda Claassen (Boksburg Noord)

Dok Abel hou so aan! Stadig maar seker begin mense se koppe oopgaan. Hiervan is jou onlangse Boeketoekenning 'n wonderlike voorbeeld.
Herman, Johann, Werdie en Wilma

'Die Dans met God' is 'n fantastiese, verligte en inspirerende boek. Dankie Abel!!
Kobus en Hester (Oos-Kaap)

Jou nuutste boek is briljant Abel. Dankie en moet nooit ophou skryf nie.
Anro Kruger (Tamboerskloof)

Briewe April 2015

Dr. Abel, met elke maand se artikels en ook die briewe van veral die geniepsige behoudende Christene, word my insig net verbreed en my begrip verdiep. In hierdie wêreld waarin ons vandag leef met al die inligting wat deur soveel kanale na ons kom is die Bybel seker nog een van die waardevolste riglyne hoe om jou lewe in te rig. Maar dan is daar ook soveel meer. Elke dag word 'n mens gedaag om meer te dink, dieper te delf en antwoorde te vind op so baie van die vrae wat die Bybel nie vir my kan beantwoord nie. Ek is 'n ou man, maar my kop bly jonk en waar ek vir jare te bang was om te wonder en te vra, het SES my denke oopgemaak. Dit is heerlik om nou te sien hoedat SES my 'n gelowige onbevange vrydenker gemaak het. Baie dankie vir al die prikkelende artikels.
Vollie V

Abel,
Waarom mors jy jou tyd met Godsdiens as jy nie in GOD glo nie? Waarom mors jy jou tyd met Godsdiens en ontmoet net liewer die Lewende GOD nie? Die SKEPPER/GOD het nie vir Adam en Eva gevra om 'n kerk/godsdiens te stig sodat Hy vir hulle op Son/Saterdae kan kom kuier nie, Hy het elke dag as hul Vriend/Liefdevolle GOD saam met hulle geloop. Dis al wat GOD van elkeen van ons, persoonlik, vra. Los die baie lang preke/quasi intelligente geskrifte en ontmoet/bemin Hom liewer. (Moes net die goeie raad/nuus met jou deel, dit het vir my gewerk.)
Groete, Piet Lombard (verlos van alle bagasie/redenasie en vas aan GOD)

Abel Pienaar, 1 Johannes 4:3 en elke gees wat nie bely dat Jesus Christus in die vlees gekom het nie, is nie uit God nie; en dit is die gees van die Antichris waarvan julle gehoor het dat hy kom, en hy is nou al in die wêreld.
Ben Biggs

Abel en kie, dankie, dankie. Julle eerlike stemme word deur baie gehoor. Dankie.
Bets en Gerhard Coetzee (Parys, Vrystaat)

Bravo, bravo aan SES! Goeie en weldeurdagte artikels.
Deon M

Die lyf artikel van April was 'n eye opener. Ons het meer artikels nodig wat ons terug neem na die liggaam se wysheid.
Petro Nel (Paarl)

Briewe Maart 2015

Abel, daar is baie waarheid in wat jy skryf, maar sonder die kern van Christus en 'n geloof gegrond in die kruis ... mors jy eintlik asem.
Riaan Stanley

Dankie vir insiggewende en diepgaande artikels.
Susan de Vries

Soos gewoonlik 'n klomp snert. Hierdie is die speelplek van die Vyand!!!! Almal wat hier lees wees gewaarsku!!
Soldaat vir Christus

Abel jy en jou mede kollegas is die spreekwoordelike wolwe in skaapsklere, julle is die vals herder waarvoor die ware, lewende (ja Hy lewe!!!) God 'n spesiale oordeel het. Jy lei clueless menigtes na die afgrond saam met jou. God se daar is een weg, een deur, Jesus. Jy is "Dr" slim. Wat is die punt van spiritualiteit, jy glo daar is geen destinasie nie, net 'n reis? Regtig? Waaroor dan speletjies speel met jou spirituele kant. Wat is die doel van hierdie spirituele kant? Om wie te vermaak? Satan? Tot wie gaan jy bid, tot die molekules op Planeet X? Jou god se naam is Satan, die misleier, die verleier, die leuenaar...
A. Barnard

Briewe Februarie 2015

Enigeen wat Jesus verloën gaan ewig in die hel brand. Vat jy steeds die kans Abel?
Tiaan Jordaan

Wonderlike leesstof. Dankie aan dok Abel en sy span.
Pietie van Zyl (Bethal)

Abel jy is 'n lig op die pad vir baie soekendes. Dankie dat jy braaf genoeg is om voor te loop.
Jan-Jan

Dr. Pienaar, dit is ongelukkig wat met jou gebeur het. Wil jy jou nie nou maar bekeer en weer die aangesig van ons Here en God opsoek nie? Ek pleit by jou, voor dit vir ewig vir jou te laat sal wees. Met 'n hart vol liefde,
Emsie Schoeman (Viljoenskroon)

Kwaliteit artikels!!! Nêrens anders kon ek nog hierdie goed geskrewe en diep denke op een blad vind nie.
Petrus van der Loo (Pretoria)

Briewe Januarie 2015

RSG het vanoggend (12 Januarie 2015) die insident van Parys se moorde deur fanatici bespreek oor die spotprent wat oor Islam se ALLAH of Mohammad gemaak is en ALLAH het opdrag gegee om die spotters tereg te stel. Ek het nie die spotprent gesien nie! RSG MONITOR het hulle deskundige onder woord van Abel Pienaar (van SES) ingeroep om oor die geloofsoortuigings van godsdiens te praat en luisteraars versoek om te reageer. Ek reageer dus onder daardie uitnodiging, behalwe dat ek dit skriftelik doen, anders verdraai die media woorde vir sensasionele voordeel. Het ons die reg tot vryheid van spraak? Beslis "JA", maar van elke woord sal rekenskap gegee moet word! Is grafiese tekeninge of spotprente of verbeelding 'n spesiale voorreg en vryheid om die beeld te maak praat? In my opinie "NEE", want enige beeld skep verwringe idees en gedagtes en is ook 'n vorm van indoktrinasie van godsdiens en disinformasie. Christianisme sou nooit so geslaagd gewees het sonder die beelde en prente van die Heilige Spook [Holy Ghost] wat verskyn het vir die kunstenaars van die Christen Kerke nie. Abel Pienaar mede-stigter en direkteur van SES [Sentrum vir Eietydse Spiritualiteit] skryf: Op 20 November 2009 word die Sentrum vir Eietydse Spiritualiteit (SES) in Pretoria gestig. SES bestaan uit Afrikaners wat hulself sien as soekers na die waarheid. Dit is mense wat kies om met onsekerheid saam te leef. Dit is die nuwe generasie van Afrikaner; waar geslag, ras, kleur, kultuur, geloof, taal, ouderdom en seksualiteit hulle nie meer definieer nie. Hulle is vrydenkers; mense vir wie die beginsels van liefde, eerlikheid, kreatiwiteit, respek, kritiese denke, oop soeke, nederigheid en eietydse denke hulle rig. My respons hierop is dat spiritualiteit is presies dieselfde as godsdiens, want die gode van die wêreld, is ook maar geeste en elke godsdiens is fundamentalisties om sy eie God of Gode, dus sy eie Gees of Geeste, te erken en eer en vereer en te aanbid en vir hierdie rede is godsdiens direk teenstrydig met die Gees van Waarheid wat Messias aan Sy kinders belowe het, en Sy Gees is baie beslis nie die Heilige Gees van die Christendom nie, en dis juis die fundamentele verskil tussen Spiritualiteit en Waarheid.
Afrikaner is per definisie juis verbind aan die verbondsverhouding van sy geloof in waarheid van die gebooie van die Torah wat juis die geslag, ras, kleur, kultuur, geloof, taal, ouderdom en seksualiteit vir hulle meer definieer in hulle verbondsverhouding want: Ras is die saad van Adam en die nageslag van ons Vader in die Hemel, deur Sy Seun geskep, wat self vlees geword het en onder ons kom woon het en wie die losprys van Sy Bloed gegee het om ons as ras te verlos van die tweede dood en as ons nou ons ras misken en vermeng, oortree ons juis die Gebooie wat ons Verbond definieer; Kleur as wit is die identifikasie van kinders van die Lig in direkte teenstelling van die Duiwel se kinders as die kinders van die Duisternis, wat juis telkens vervloek is omdat hulle met die suiwer saad of ras van Adam, toe Noag, toe Abraham, toe Isak, toe Jakob vermeng het, en sodra ons daardie merkteken misken sal ons naam uit die boek van die lewe verwyder word. Kultuur van die Yisrael is verewig in die geskiedenis van die Adam en vorm juis die Oordeel van ons Finale Toets om in die Koninkryk in te gaan en behels Nasie, Taal, Stam, Volk en Aanbidding soos omskryf in Op 14. Satan se missie is om twyfel te skep in die Berg Sion van die Hemel en die Hel van die Ewige Duisternis en Vuur in die kern van die aarde. Die Duiwel is slegs 'n Griekse woord vir Aanklaer, want die mensdom word dag en nag aangekla om die gewetenisvryheid onder die hipnotiese mag van die onrein geeste te kry. Sonde is die oortreding van enige van die Tien Gebooie, soos prakties gegee in die Torah, wat die Verbond is vir die Nuwe Testament vir die Erfgename van die Nuwe Wêreld wat na die komende duisend jaar, herskep word. Die Bybel is die woord van God, omdat hy die oorspronklike verander het deur kerkbybelvertalers, en daarom aanbid almal God, sonder om te besef dat God juis die Satan is. Die WOORD van YHVH kan ons slegs in Sy taal in Hebreeus ontdek, en dit is die sleutel tot die ewige lewe in die getuienis van die naam van die Seun.
Y'shua Mashiach is egter net gestuur vir die verlore skape van Yisrael, en dit is my opdrag om dit met Abel Pienaar, Celia Kourie, Kobus Krüger, Hansie Wolmarans, en Piet Muller te deel, en ons kan enige aspek skriftelik op die oop platform van die internet bespreek en verkieslik op hulle webwerf, waar ek geruime tyd onder my eie naam die verkeerde kerkbybelvertalings met almal deel.
Shalom Chris Nel

Elke godsdiens het sy eie 'heilige boek' wat as riglyn gebruik word vir hulle geestelike leiding. Dit wat daarin vervat is, is sekerlik op jou van toepassing as jy dié godsdiens of denkrigting ernstig opneem en daarin glo. Ek glo egte NIE dat 'n heilige boek van een godsdiens bindend kan wees op mense buite daardie godsdiens en daarom afdwingbaar op almal nie. Islam kan dus nie iemand grusaam kom straf omdat jou Koran so sê – terwyl die ander nie in die Koran glo nie. Jy kan wel mense wat nie in jou godsdiens glo nie deur getuienis en leefwyse oortuig van die diepte en waarde van jou geloof ten einde hulle na jou geloof oor te wen. (Ek was baie jare in die wêreldsending en is baie bewus daarvan dat jou benadering tot Islam bv juis 'n vriendskapsbenadering is). Maar niks is afdwingbaar op iemand wat nie soos jy dink nie.
Ons mag mekaar se oortuigings bespreek, debatteer en selfs kritiseer. Maar dit moet altyd gebeur in die gees van liefde en soos jy sê ' respek' vir die ander (ek verkies die woord 'ruimte' – omdat self die woord respek in Afrikaanse konteks vir misverstand vatbaar is). Dit gesê, is my standpunt oor die aanvalle op die tydskrif in Parys die volgende:

Nou die gesprek van vanoggend – en ek praat nou ek as Gereformeerde denker en Christengelowige:

Ds. Petrus Moolman (NG Kerk Ligkruis)

Dankie vir SES. Die artikels is 'n ligpunt elke maand.
Sanet Ferreira (George)

Wonderlike leesstof, kos vir my siel.
Pieta Breda

Briewe Desember 2014

Dankie vir dinamiese en rigtinggewende artikels.
Deon Bruwer (Nederland)

Wonderlike, wonderlike leesstof!!!
P. J. Kemp

Kos vir my hart en my kop. Dankie vir die toonaangewende werk wat deur julle gedoen word.
Dankie Abel!
Riana

Briewe November 2014

Dankie vir puik artikels!
Stephan le Roux

In hemelsnaam hou op met hierdie roekelose en Godslasterende uitsprake! Julle is op die verkeerde pad, wees gewaarsku!
Sanet Pieterse

Whoa, soos Al Pachino in Scent of a Woman sê!! In jou 3 artikels oor die geskiedenis van die Christendom van hierdie maand (November) vul jy 'n leemte wat eintlik noodsaaklike leesstof is vir elke mens in hierdie ou landjie van ons. Dis nodig dat mens begin by die begin ... Met groot dank.
Gustaf

Abel, ek stem saam met Koos Eloff, dat jy en jou bondgenote niks anders het om oor te skryf as die Evangelie nie. Hoekom nie – want op 'n dieper vlak WEET JULLE DIT IS DIE ENIGSTE WAARHEID!
Pieta

SES, dankie vir elke maand se boekresensie. Dit help my om goeie leesstof op te spoor. Vele dank!!
Herman Labuschagne

Briewe Oktober 2014

Abel, het jy en jou mede bondgenote niks anders om oor te skryf of af te kraak nie, bly dan net stil. Al jou boodskappe is net afbrekens op God en Jesus, en julle baseer al julle uittreksels op fabels en vergelykende stories. Jy en jou bondgenote is net daarop uit om die Woord van God uitmekaar te trek en af te kraak of verkeerd te wil bewys. Want dit is 'n groot probleem vir julle, dit gaan een bly want julle gaan deur julle bewyse, wel bewys dat GOD en JESUS wel bestaan. Want GOD gebruik self die duiwel om sy werk te doen. Glo my julle gaan nog baie jare hiermee besig wees tot waste nut weet ek nie. Julle bou julle eie leerstellings op ongegronde kamma nuwe visies, ou wyfse fabels wat julle kry in storie boeke en kamma fisika en wetenskap (soos Frik).
As jy nie in God of Jesus of die duiwel se bestaan glo nie, dan is dit reg so. Bou julle geloof op wat julle ook al in glo en dink dit is reg. Soos wat die res van ons was glo en in die Woord van God (die Bybel in geheel en in Jesus Christus Sy Seun en die bestaan van die duiwel). So kan ons dan ook seer sekerlik julle geloof afkraak as vark stal wat net in die modder ploeter vuil besmet en eintlik niks goed voorspel of kan bereik nie, want dit vreet net die kos van die mens en vertrap dit so tussen die etery deur. Dit is presies wat julle doen.
Koos Eloff

Kragtige en sielsgenot leesstof. Dankie aan SES se span!
Gertie en Bertus

Een van die beste konferensies oor spiritualiteit wat ek nog in SA bygewoon het. Veral Dr. Pienaar en Prof. Du Toit se aanbiedings was uitnemend goed. Hou so aan!
Prof. Weir

4 Oktober se konferensie was die beste wat ek nog beleef het. Briljante sprekers!! Dankie SES!
Petro, Allan en Kaseef

Die 'Buite-kerklike' konferensie was baie goed. Goed gereël en goed aangebied. Geluk hiermee.
Die Malans

I really enjoyed the conference on contemporary spirituality. Well done!
Peter and Michelle (all the way from Australia)

Ek het al die pad van Botswana gery, spesiaal om die 4de se byeenkoms by te woon. Ek was nie teleurgestel nie!! Dankie vir 'n kwaliteit geleentheid.
Bos van der Merwe

Bevrydende en verligtende artikels. Ek het lanklaas so baie een webtuiste oor en oor besoek. Ek kan nie wag vir volgende maand se nuwe artikels nie.
Werda Viljoen (Randburg)

Briewe September 2014

Dankie Abel vir wonderlike leesstof!
Danie du Preez

Dankie aan SES se span vir die reël van die oggendkonferensie se saamgesels oor die gelowiges wat nie meer tuishoort binne enige vaste geloofstradisie nie.
PP

Baie goeie boek Abel! Ek koop een vir elkeen van my kinders ... dit is 'n MOET lees!!!!
Hannelie Barnard (Melkbos)

Aseblief tog, wat 'n klomp nonsens. Die wat hier wil lees moet gewaarsku wees dat dit nie net 'n klomp nonsens is nie, dit is ook lewensgevaarlik! Mede Christene, stuur die boodskap aan sodat niemand weer op hierdie blad kom lees nie. 'n Klomp nonsens!!
Petra du Toit

Dit is absurd die dinge wat hier kwytgeraak word. Waar kom julle vandaan? DAAR IS NET EEN HERE GOD!
Pastoor Johan

Briewe Augustus 2014

Dankie vir kwaliteit artikels! Herman van der Nee

Beste Abel en SES Span, alhoewel alles voorlopig is, vind ek julle geloofsverwoording insiggewend. Wel gedaan.
Marie Grobbelaar

Abel jy is 'n idioot, finish en klaar. Jy is besig om die Christene en Jode dik die josie in te maak en die sogenaamde vrydenkers gaan jou nie help nie my ou.
VV

SES, dankie vir die ontbloting van soveel intelligente mense wat tog so maklik kan terugval op bygelowige denke.
Pieter van der Westhuizen (Vaalwater)

Briewe Julie 2014

Dis nou jou twee nuutste artikels in "Godsdiens en Spiritualiteit" met spesifieke verwysing na die sin wat handel oor die dood: "...om jou hart oop te maak vir die realiteit van die dood, is om in die vloei van die ewige Nou tuis te kom." EN DAN WEER in die ander artikel oor ons en ons planet: "...En die mens sal moet besef dat ons nie die kroon van die skepping is nie, nee, ons is maar 'n klein deeltjie van die groter omvattende geheel. Niemand beheer niks nie ... hierdie vorme van lewe is ten diepste verbind aan mekaar, ons is een lewende organisme; mense, diere, insekte, plante, minerale, klippe, riviere ens... (jou verwysing na die woorde van Carl Sagan is ongelooflik mooi en die aanhalings van Albert Schweitzer genoegdoenend treffend!) So, weereens dankie vir hierdie soort van artikels / onderwerpe wat suurstof bring na die innerlike van my menswees.
Gustaf

Dit is vir my 'n voorreg om deel te wees van SES. Dankie vir die maandelikse kwaliteit artikels.
Susan Verbeeck (Nelspruit)

Ek is 'n Christen en baie gelukkig in my gemeente. Dit beteken egter nie, dat ek nie ook nuut wil dink oor God en godsdiens nie. In die verband vind ek soveel wonderlike denke hier by die sentrum vir eietydse spiritualiteit. Ek en 'n groepie van ons gemeente kom maandeliks bymekaar en dan bespreek ons die maand se artikels oor 'n glasie rooiwyn. Julle artikels is 'n fantastiese inspuiting tot vrydenke en eerlike soeke. Dankie.
Ds. Chris

Wonderlike wonderlike artikels! Groot dankbaarheid aan elke skrywer ... julle verbreed en verryk ons.
Jan-Jan (Melville)

EK WAARSKU ELKE CHRISTEN WAT TOEVALLIG HIERDIE WEBWERF OOPGEMAAK HET, VERLAAT DIT DADELIK!! HIERDIE IS DIE SPEELPLEK VAN SATAN!!
LIG-Vegter

Hoe 'n mens jouself 'n Christen ('n volgeling van Christus) kan noem en dan sulke aggressie en veroordelende uitsprake kan lewer, gaan my verstand te bowe. Baie van die brief skrywers hier, wat na hulleself as Christene verwys mis duidelik die punt van Christenwees. Vergeet dan van wat in die Bybel staan en wat Christus op aarde vir ons kom vermag het, want deur met veroordeling en haat te leef maak dat jy nie na jouself as 'n Christen kan verwys nie.
Gert Bezuidenhout (Pretoria-Noord)

Briewe Junie 2014

Dit is so vergesog om te probeer glo dat pikkewyne eers vlerke gehad het en toe ontwikkel het in swemvinne, of dat kangaroo's eers normaal geboorte gegee het en toe oor baie miljoene jare begin begeer het om 'n "pouch" te ontwikkel. 'n Perdeby wou oor baie miljoene jare lank graag 'n giftige angel soos 'n skerpioen hê en het begin begeer. Of 'n verkleurmannetjie wou soos 'n seekat van kleur verander en begin begeer, dit is onmoontlik om te glo dat 'n mens sulke snert kan glo. Daarom het alles kwansuis deur net so 'n belaglike "big bang" ontstaan maar wanneer hulle by die oseane kom dan is hulle nou gebore, hoe? Wie was die ma?
John Kelder

Baie dankie prof Pretorius vir 'n wel deurdagte artikel(s) oor evolusie en God. Dit het my baie gehelp!
Pieter van Eyk

Baie dankie vir SES en al die goeie artikels. Veral Dok Abel, jou artikels maak soveel sin en help my regtig baie om sin te maak uit my eie denke en idees.
Gert Verbeeck

Welgedaan ... vars denke!
Cobus en Martie (Lesotho)

Dankie! Dankie! Dankie!
Jan, Ferdi en Jan-Hendrik (Noord Kaap)

Abel jou boek "God se oë is blou" is 'n eye opener! Jou braafheid help soveel mense ... hou so aan! Marie du Plooy (Melkbos)

Briewe Mei 2014

Net 'n paar vrae aan Dr. Abel Pienaar: Is jy 'n ware dissipel van Jesus Christus en 100% in lyn met Sy Woord soos vervat in die Bybel? Stem jy saam dat jou menslike idees, stellings, afleidings en filosofieë van geen waarde is nie!! En besef jy dat jy 'n oordeel oor jouself en almal wie jy mislei bring? Ek vra maar net!!
Flip van der Merwe

Beste Abel,
Dankie vir die stimulerende artikels. Hou so aan!
Steve

Aan die SES span, baie dankie vir elke maand se kwaliteit leesstof. Vir ons wat nog in die woestyn van tradisionele denke sit, is dit 'n oase.
Hennie, Gert, Hendrik en Ferdie

SES, dankie vir die maandelikse boekresensies. Dit is wonderlike hulp vir soekende lesers.
Anoniem

Briewe April 2014

'n Groot dankie aan Prof Pretorius vir die goed deurdagte en insiggewende artikel oor God en evolusie. Ons kan nie wag vir deel 2 nie.
Jan-Jan en Martie (Wellington)

Dok Abel, soos gewoonlik baie verrykende leesstof. Hou so aan!!!!
Gawie Cloete

SES het my lewe gered! Ek is nie alleen nie ... ek is nie mal nie! Dankie aan die SES span.
Bert de Villiers (Randburg)

Die artikels vir April was 'n goeie balans van soms uiteenlopende denke, maar tog loop daar 'n goue draad deur die opinies wat die leser elke keer bring voor hom/haarself. Moet asb nooit ophou met hierdie vrymakende werk nie.
Celia Nel (Waterkloof, Pretoria)

Ek wil en kan nie oordeel nie maar dr. Abel (jammer!) irriteer my erg! Hoe kan 'n SLIM man soos hy sulke dom dinge sê? Dit is tog so DUIDELIK dat daar 'n Opperwese is! En dat hierdie Opperwese die YAHWE van die BYBEL is!! Komaan Abel, skrik wakker, voor dit heeltemal te laat is!!
Gustaf de Jong (Garsfontein)

Abel en sy fabels. Fabels en Abel ... hoe lank nog gaan mense sy snert vir waarheid opvreet?
Anon.

Briewe Maart 2014

Dankie vir die wonderlike artikels vir Februarie.
Jan Pienaar

Die gelowiges en die filosowe sit die pot mis! Kyk gerus na die wetenskap vir antwoorde en hou op julle eie sterte jaag.
Jan-Jan

Ek lees gereeld julle artikels. Ek is van Dallas, Texas. My pa is van Suid-Afrika en het altyd met my Afrikaans gepraat. Ek is verstom om te sien dat julle daar in Suid-Afrika soveel verder gevorder is in julle denke as meeste Amerikaners. Baie dankie vir die website.
JJ Martins

Ek sien Abel en sy fabels is weer oral aan die verkondig van sy boodskap. Gelukkig sien meeste mense deur jou snert!
Fanie Viljoen (Mosselbaai)

Briewe Februarie 2014

Dankie vir hierdie webwerf, dit het my geskok om te sien dat daar soveel ander mense soos ek is. Ek het gedink ek is alleen. Dankie!
Pieter van der West (Namibië)

Abel, baie dankie vir jou uitstekende stukke, ons het hierdie tipe denke broodnodig.
Karen Maree

Goed geskryf en goed deurdinkte artikels is moeilik om te kry. Maar hier het ek genoeg leesstof gekry om my 'n jaar besig te hou. Dankie vir die kwaliteit denke.
Mariëtte de Villiers

Dok Abel, het jy al jou varkies op hok? Ek dink nie sooooo nie!!
Anon.

Foeitog Abel! Foeitog! Brand gaan jy brand!
Max Donald

Goeiedag. Sommer van die begin af wil ek sê my spelling is power maar my boodskap nie. Ek het op julle afgekom toe ek inligting soek hoekom die kerk die hoofbedekking uit die kerk gegooi het en ook so ander skrifte uitgegooi of verander het om die mense se sondige begeertes oor te sien sodat hulle kan aanhou geld gee en in die kerk bly. Dit is maar soos dit van die begin af was. Satan het Eva verlei en sy het Adam mislei om ook van die verbode vrugte eet sodat hy saam met haar kon sterf. Ja op daardie oomblik het hulle hul spiritualiteit verloor in God. Deur die eeue heen het die mens na God gesoek maar op sy eie voorwaardes en telkens het hulle God gemis omdat hulle God se Woord verontagsaam en as onsin behandel het. Trouens vandag doen hulle dit nog en julle is 'n voorbeeld daarvan. Die Woord van God wat julle so verdraai en misken sal julle veroordeel op die dag van oordeel. Ek kan 'n rits Bybelverse voorhou maar julle glo nie in die Woord van God nie. Julle gebruik die gedeeltes uit die Bybel wat julle wil hoor en vervang die res met leerstellings van die Dalai Lama en die ander guru's, duiwel aanhangers soos Jesus self vir die skrifgeleerdes en Fariseërs van Sy tyd gesê het. As julle dan nie God wil dien volgens Sy Woord nie dan gooi die Bybel weg en gaan agter die god van die wêreld aan. Vir 46 jaar het ek ook gedink ek is 'n Christen en het ek my tyd verspeel met wêreldse dinge ek was 'n alkoholis, het gerook en porn was ook deel van my lewe en ek het geloop en huigel dat ek 'n bekeerling is en hemel toe gaan. NEE, ek was rein reguit op pad hel toe met die Bybel onder my arm en met my stink bek en gedagtes in die kerk gesit en net nog meer oordeel oor myself gebring. Ek was so gatvol vir my verkeerde lewe dat ek myself wou doodmaak en terwyl ek gelê en vrek het, het God ander idees met my lewe gehad. Ek het bly lewe en het vir twee maande soos 'n dief agter tralies in 'n mental hospital deurgebring en in daardie tyd het God met my gewerk. Deur die pyn en eensaamheid het ek 24 uur per dag tyd gehad om te dink want dit is al wat ek kon doen. Die pyn van onttrekking simptome van die drank, pille ens. Ek was letterlik in hel gewees. Ons as mens is bevoorreg dat God met ons bemoeienis maak dat Hy Jesus Christus vir ons gegee het dat ons die ewige lewe kan hê. Ons as mens gooi dit terug in Sy gesig en loop eerder agter die gode aan en glo ons aan stront soos reïnkarnasie en dat daar nie 'n God is nie, dat mens sy eie god is en al sulke snert. Daar is 'n HEL en glo my sou ek gesterf het, sou ek nou daar wees. Gaan julle voort op julle pad sal julle met oop arms die hel inval. Dit is nie ek wat so sê nie my vriend dit is die Woord van God wat julle verdraai om julle eie god te skep. Kom tot inkeer terwyl daar nog tyd is. Mens is verseker om eenmaal te sterf en daarna kom die oordeel. Die ryk man in Lukas 16 is daar vir al meer as 2000 jaar, so ook Judas wat Jesus verraai het...
M.

Briewe Januarie 2014

Aan At en Abel,
Ek kan nie help om op At se artikel te reageer nie. Ek is self 'n vrydenker met my eie idees aangaande Godsdiens. At het geskryf asof hy die waarheid weet, jammer At, jou hele artikel getuig van onkunde, kennis van die waarheid ontbreek. Ek het by SES aangesluit omdat ek dit neutraal gevind het, en elkeen 'n kans gegee het om sy eie studie of opinie te stel sonder om ander af te kraak. Die artikels vind ek baie ingelig en leersaam. So het ek weereens uitgekyk na Januarie se artikels, maar kwaad geword toe ek At se kritiek oor anders denkende persone se opinies gelees het. SES gaan tog oor vrydenkers, dus het elkeen 'n reg om sy eie opinie en geloof te mag hê. As At ooit na Parys in die Vrystaat kom, kom gesels gerus, ek aanvaar jou uitdaging, maar in die privaat. Abel, ek verwag At se tipe kritiek in die briewe kolom, nie as artikel nie, jammer dit is geplaas, dit is nutteloos en beledigend.
Groete Deetlift

Die nuwe jaar het goed begin. Ek kan net dink hoe At Fourie (en hierdie webblad) tot in die diepste mitiese hel verdoem gaan word met sy artikel. Maar dan wonder ek ook wat die reaksie gaan wees op die Pous se jongste uitsprake oor die Bybel. Dit lyk my daar lê 'n opwindende jaar voor vir mense met 'n oop gemoed wat en nie bang is om te dink en te lees nie. Ek dink hierdie Pous gaan nog meer skokkende uitsprake lewer. Die artikels wat elke maand verskyn is altyd vol uitsprake wat 'n mens se denke prikkel. Dit is nooit afbrekend en veroordelend teenoor veral die fundamentaliste wat te steeks is om wyer te dink en te lees. Gaan asseblief so voort.
Vollie, TBZ

Spesifiek wil ek aansluit by At se artikel/brief van Januarie se uitgawe. Dankie vir jou eerlikheid At, ek stem heelhartig saam met jou antwoorde en kritiek. Jou styl kon egter meer akkommoderend gewees het, maar ek kan ook jou frustrasies verstaan. Nogmaals dankie vir jou reaksie.
Ferdi Claasens (Amsterdam)

Aan SES-span, dankie vir soveel kwaliteit artikels. Dit is leersaam en meestal objektief.
"Verlore Siel van Durbanville"

My seun is nog op skool en word dikwels aangevat deur onderwysers ens. omdat hy nie met oortuiging kan bely hy is 'n Christen nie. Ek het nie altyd geweet wat en hoe om met hom oor my en natuurlik sy sienings te gesels nie. Totdat 'n familielid ons van Sentrum vir Eietydse Spiritualiteit vertel het. Nou kan ons nie wag vir elke maand se nuwe artikels nie! My seun het ook 'n taak gedoen oor dr. Abel Pienaar en het hoogste punte in sy klas gekry ... dankie SES Span vir elke maand se artikels!
Ria en gesin (Pretoria)

Briewe Desember 2013

Die groot opdrag van Jesus Christus aan sy dissipels, EN AAN ELKEEN wat Hom aangeneem het, is tog duidelik!! Ons lees in Mattheüs 28:19 Gaan dan heen, maak dissipels van al die nasies en doop hulle in die Naam van die Vader en die Seun en die Heilige Gees, en leer hulle om alles te onderhou wat Ek julle beveel het. Die evangelie wat verkondig moet word en die belofte van God aan die mense is saamgevat in Johannes 3:16, Want so lief het God die wêreld (mense) gehad dat Hy sy eniggebore Seun gegee het, sodat elkeen wat in Hom (Jesus) glo (hier volg die belofte) nie verlore mag gaan nie, maar die ewige lewe kan hê. Wat hiervan verstaan Abel Pienaar en kie nie? Waar het hulle die waarheid verloor? Besef Abel dat sy god wat hy verkondig 'n valse god is?
Gerhard

Briljante leesstof!
Pieter en Marie (Stellenbosch)

Dr. Pienaar, dankie vir die stimulerende en eerlike artikels wat u aan die wêreld bied. Vir die soekendes is daar nie altyd baie ondersteuning nie, baie keer net 'n wildernis. U is een van baaaie min wat rigting aandui in hierdie wildernis! Dankie daarvoor en moet asb. nie ophou skryf nie.
SJ en Sam

Abel jy is 'n ligstraal in 'n baie donker wêreld. Dit is donker omdat baie mense soos ek voel. Hulle kan nie openlik en in die lig praat oor wat hulle dink of wonder nie. Die kritiek en verwerping is net te veel. Maar omdat jy voor loop (en ja ook baie van die kritiek en verwerping op jouself trek) maak dit vir die res van ons dit soveel makliker om ook nie net ondergronds te lewe nie. Baie dankie, jou artikels in Rapport en hier op SES is regtig vir so baie van ons al wat hoop gee dat daar nie soveel met ons verkeerd is nie.
Juanita, Ferdi, Stefan en Marcia

Ek lees al vir baie jare jou artikels en volg jou geestelike pad met groot belangstelling. Ek het respek vir die integriteit waarmee jy die dinge benader.
Coenie

Dankie vir 'n wonderlike jaar vol wonderlike insigte en uitdagings. SES is vir my onlosmaaklik deel van my reis. Dankie Abel en span.
Steve

Aan SES en Abel, baie dankie vir 2013 se wonderlike artikels en boekresensies. Hier waar ek in totale afsondering sit (platteland) is SES seker my enigste kontak met oop-kop-denke! Vele dank.
Gawie (Piet Retief)

Briewe November 2013

Maand na maand, val die ateïste die Christelike godsdiens aan op hierdie webtuiste. Hulle doen dit nie om Christene te oortuig nie, maar eerder omdat hulle self diep binne onseker is. Hulle weet binne hulle self dat daar 'n God is en dat hulle die konsekwensies van hulle dwaalleringe eendag sal moet erken voor hierdie God.
Jan-Jan Venter

Ou Abel hallusineer nou en dink hy self is god en dat sy relativisme hom kan vry maak. Al wat ek kan doen is lag en huil! Want hoe 'n mens van NG predikant na 'n Zen boeddhis gaan weet nugter alleen. Ek bid vir jou Abel, dat jy weer die Here sal vind. Hy wag vir jou!!
Pastoor Gert (Oos-Rand)

Abel is die bewys van ewolusie: een aap het die volgende aap vervang.
Piet

Briljante artikels. Dankie.
Richard en Sharon (Perth, Australië)

Ons kan skaars wag vir elke maand se nuwe artikels. Dit het ons Bybel geword. Dankie aan almal wat werk om SES elke maand moontlik te maak. Moet asb. nie ophou nie!
Pieter, Gert, Stefan, Ferdi, Jane, Julia, Hester en Thuli. (Tuks of Niks!)

So wat Abel en die klomp skrywers hier nou eintlik sê is dat die mens nie 'n verlosser of die Bybel nodig het nie! Teenstrydig met alles wat die Bybel ons vertel van God. Abel is die anti-chris en daarom 'n kampvegter vir die anti-christelike siening. Besluit self, is God reg of ou arme arme Abel?
Anoniem

Dankie vir die wonderlike leesstof, dit is nie net ongelooflik vars en weldeurdag nie ... dit is ook relevant en eietyds. Goeie werk hou asb. so aan. En ignorer die klomp suurbekke wat snaaks genoeg nog gereeld SES besoek.
Frans (VK)

Fantastiese boekresensies. Ek het terugwerkend gaan kyk na al die boeke wat bespreek is, en ek kan net sê dankie vir goeie en skerp opinies. Dankie vir die hulp in my leeswerk.
Santie Verveen (Centurion)

Briewe Oktober 2013

My liewe kinders van God. Doen die regte ding en bly van hierdie duiwelse website af weg!!! As jy mooi kyk sal jy vinnig agterkom dis die antichriste wat hier aan die woord is!!!
Anoniem

Abel Pienaar, skryf sulke snert maar tog sê jy nooit presies wat jy glo nie! Abel Pienaar het jy die moed om aan almal uit te lê wat jý werklik glo. Soos alle ateïste het jy niks vir jouself te sê nie en moet heeltyd filosofiese praatjies maak. Wat sê jy nou eintlik ABEL???!!!
Joe Vermeulen (Sandton)

Hey Abel jou lafaard – hoe lank gaan jy nog jou valse lerings orals loop en verkoop? Jou praatjies beteken net mooi boggerall.
PIET

Abel en span, dankie vir 'n kwaliteit webtuiste!
Piet van Heerden

Prof. Kobus, soos gewoonlik doen jy baanbreker werk! Ek sal baie graag een van jou Dante kopieë wil koop ... waar kan ek dit aan die hande kry? (Ek woon in die Vrystaat en is dus nie naby Pretoria nie.)
Jan-Jan Vos

Wonderlike wonderlike leesstof ... wonderlik. Dankie!
Santie en Herman

Ek sweer Abel en sy volgelinge het bande met die Vrymesselaars. Julle verkondig dwaallering! Toe my vriendin my vertel het van die site kon ek nie droom om soveel onheilige en Godslasterlike dinge IN AFRIKAANS te lees nie. SIES!!!!
Marie Delport

Briewe September 2013

Baie dankie aan prof. Jurie le Roux vir die resensie van Jaap Durand se boek Evolusie, wetenskap en geloof. Met die bekendstelling van die boek, het Die Kerkbode daaroor berig. Daar was toe onmiddellik kommentaar van 'n paar dominees waarin prof. Durand verguis word omdat hy Teilhard terwille sou wees. Dit was vir my duidelik dat die kommentators nie naby die boek was nie. Hulle het met subjektiewe kennis oor Teilhard hulle kommentaar gelewer. Ek het dit ook in Die Kerkbode so gestel. Nodeloos om te sê dat daar nie verdere kommentaar was nie. Weer eens baie dankie prof. Le Roux. 'n Mens het sommer simpatie met Teilhard. Ek kan my sy stryd indink, sy liefde vir God en evolusie wat hy in sy teologie inwerk en die kerk se standpunt oor evolusie.
Gerrie Rothmann

Dankie aan almal wat sulke eerlike en sinvolle artikels skrywe. Welgedaan!
Susan Verwoerd (Boksburg)

Dankie vir SES! Julle het 'n wêreld vir my kom oopbreek.
Ina de Waal (Meyerspark)

Al sou julle nog 'n miljoen eietydse teorieë probeer saamvleg, het julle egter geen oplossing vir die mens se sondeskuld nie. Almal is verlore en oppad hel toe! Net die bloed van Jesus Christus kan ons red. Sonder Hom bly daar net ewige nag oor. Ou Abel is ONKAPabel en al sy Fabels is tevergeefs!
Sybrand Jordaan

Abel, Dankie vir Piet se groot stuk werk wat jy so vry en verniet beskikbaar stel vir ons hier op jou webblad!
Johan Pienaar

WONDERLIKE ARTIKELS!! Dankie vir lewensgewende skrywes. Dankie!
Pieter en gesin uit die verre Skotland

Dr. Abel, baie dankie vir die insiggewende artikel: Spiritualiteit: Abel en my se oor-en-weer gedagtes. Ek kan myself 100% met Trichardt Malan identifiseer en het sy eerlike vrae aan jou baie geniet. Dankie ook vir jou bereidheid om hom te antwoord en sodoende vir ouens soos ek ook baie te help. Ek het veral die woorde van jou, "Dit is vir my so jammer dat ons hier in Suid-Afrika oor baie geslagte heen net blootgestel was aan die teïstiese godskonsepte. En dat daar 'n valse sekerheid in ons koppe en harte kom lê het, wat dit byna onmoontlik gemaak het om in enige ander kategorieë oor God te dink en te praat..." baie waardeer. Dit maak vir my soveel sin! Welgedaan Trichardt en Abel.
D. Snyman

Briewe Augustus 2013

Hallo Wagter by die hek. Dis goed dat jy jou oor ander mense bekommer, maar ek dink jy moet wyer lees, 'n bietjie na jou metodes kyk. 'n Goeie begin sal wees "How to make friends and influence people". O ja, ek lees en luister wyd, so ek word nie eintlik deur mense om die bos gelei nie.
Gerrie.

So inspirerend om ander Afrikaanssprekendes vanuit dieselfde uithoeke en op dieselfde pad hier te ontmoet! Ekself het Hervormd grootgeword en skaars het ek my verstande gekry toe kry ek sommer bedenkinge ook. Het dit toe maar liefs stil gehou – maar ten koste van my eie spiritualiteit. Gelukkig het ek darem 'n paar geesgenote op die pad ontmoet, en toe onlangs die Unitariese Kerk in Kaapstad. Die beginsels van die SES is so te sê soortgelyk aan die Unitariërs s'n. Die 'Unitarian' kerkbeweging bestaan al sedert die 1600's en ons het pas die kerk in Kaapstad se 146e bestaansjaar gevier! Dit is 'n pragtige ou gebou met 'n lang geskiedenis van vurige vrydenkers, o.a. die vorige burgemeester van Kaapstad, wie ook die predikant van die gemeente was. Ons dominee is ook 'n oud-NG predikant. Vroeër jare het die kerk bekend gestaan as die 'Free Protestant Church', waarna dit aangesluit het by die wêreldwye Unitarian beweging. Kyk gerus na ons webblad – en kom besoek ons en vertel julle stories. Julle sal verseker tuis voel! Ons doen van tyd tot tyd kort kursusse (soos bv. Jesus: 'Who do you say I am?') en betrek ook mense van ander gelowe om ons raamwerk te verbreed. Kom vat hande, deel julle kennis, gedagtes en geestesreise met ons. Daar is ook 'n groep Afrikaanse Unitariërs in Kaapstad en groepe in die groot stede van ons land. Ons in Kaapstad het ook 'n groep vir kinders.
Ek hou SES se webblad dop – laat weet asb. van enige byeenkomste van SES in die Kaap.
Engelie Brand

Kan iemand ASB! Vir Dr. Pienaar vra om op te hou praat, skryf of dink! Hy praat nie net snert nie ... hy't nou selfs my dogter en haar man ook oorgehaal om sy nonsens te glo. ASB!
Bekommerde Christen-Pa

Hallo Dr. Pienaar. Dit is verblydend om te sien dat vele verskillende stemme hier kans kry om gehoor te word. Solank daar net elke keer teruggekeer word na die Here Jesus. Onthou Hy is die een wat naak gekruisig, geslaan en in die gesig gespoeg is vir ons almal se sondes.
Pastoor Johan Bekker

Abel sit soos gewoonlik die pot heeeeeeeltemal mis. Hoe lank nog jou dwaas!
Anoniem

Dr. Abel Pienaar is 'n geleerde man wat verantwoordelik is vir die deurmekaar maak, verleiding en om die bos lei van baie 'Kinders van God'.
Jaap de Villiers

SES se artikels kook!!!!!!!!
Teologiestudent (Maties)

Briewe Julie 2013

Goeiedag Anoniem (Kaap)
Toe ek jou brief lees, het ek onmiddellik my eie geloofspaadjie herleef. Ek het ook so op my eie begin besef dat ek nie meer met my kerk se dogmas en geloofsoortuigings kan saamstem nie. Ek het ook onder 'n skuilnaam hier briewe geskryf en my groot probleem was wat om te doen aangaande my gesin?
Op 'n dag het ek besluit om eerlik met my vrou te gesels oor die probleme wat ek met ons kerk ondervind. Ek dit nie as 'n poging om haar tot my standpunt oor te haal, hanteer nie, ek het sommer net rustig gesels. Tot my verbasing het sy toe ook dinge genoem wat háár pla. Ons onderskat so maklik ons lewensmaats se insig in die lewe.
Die uiteinde was toe dat ons saam begin oplees het oor Bybelnavorsing en so saam-saam antwoorde op ons vrae gekry het. Vandag is ons hele gesin betrokke by die Renaissance gemeente en die Nuwe Hervorming en godsdiens het nooit 'n twispunt tussen ons geword nie.
My advies? Gesels openhartig met jou gesin. Hulle het waarskynlik meer begrip as wat jy dink.
Met vriendelike groete
Christo van der Merwe ('n Baie respekvolle vrydenker)

Ek lees nou al vir 'n jaar of wat alles wat op SES geplaas word ... hiermee net 'n baie groot dankie! Elke artikel, boekresensie en SES seminaar het my help vorm en vrymaak. Dankie!!
Ferdinant Botha (Edenvale)

Geagte Anoniem (Wonderwerke)
Ek wil jou graag bedank vir die hoflike wyse waarop jy ernstig van my verskil. Jy sal my dalk nie glo nie maar jy is die eerste persoon wat hom- of haarself as 'gelowige' aan my voorstel en wat nie onmiddellik tot beledigings en oordeel oorgaan nie. Ek waardeer dit regtig en aanvaar dat jy werklik 'n gelowige is.
"Glo soos 'n kind." Wie van ons ken nou nie daardie versie nie? Galileo Galilei moes vanaf 1634 tot met sy dood in 1642 in huisarres deurbring omdat hy gewaag het om vir homself te dink en nie te "glo soos 'n kind" soos wat die Roomse Kerk van hom verwag het nie. In 1992 het die Roomse Kerk erken dat Galilei reg was: die aarde draai om die son, en nie andersom nie.
Dis 'n erkende, geskiedkundige feit dat Jesus eers tydens die Konsilie van Nicea in 325 nC, na hewige onderlinge struwelinge, deur die Roomse Kerk tot gelykstaande aan God die Vader verhef is. Die drie-eenheid word nie in die Bybel genoem nie. Moet ek nou "glo soos 'n kind" in wat die kerk sê, as ek weet wat die feite is?
In 1859 publiseer Charles Darwin sy beroemde navorsing oor evolusie in On the Origin of Species. Van daardie tyd tot vandag kon nog niemand die teendeel bewys nie. Feitlik alle erkende wetenskaplikes erken dit vandag en dit word nie eers meer gedebatteer nie. Inteendeel, dit word daagliks al meer en meer as korrek bewys. Moet ek maak asof evolusie nie bestaan nie en "glo soos 'n kind" en die skeppingsverhaal in Genesis, waar gepraat word van hoe God die mens geskape het, as 'n wetenskaplike feit aanvaar? En indien wel, watter verhaal? Gen. 1 of Gen. 2?
Ek roep weer eens vir Galileo Galilei nader: "I do not feel obliged to believe that the same God who has endowed us with sense, reason, and intellect has intended us to forgo their use."
Verwag GELOOF wat in WONDERWERKE oorgaan werklik dít van 'n gelowige?
Christo

Hierdie webtuiste is die beste wat ek nog raak gelees het. Geluk met kwaliteit artikels!
Prof. Herman Buitendag

Abel Pienaar, weet jy nog nie dat daar niks is wat jy as mens kan bydra tot die verlossingsdaad van God aan die mens nie? Al wat van jou verwag word is om Sy Woord te glo en te aanvaar. Maar om dit te kan doen is dit noodsaaklik om die riglyne soos in die Bybel vir jou uiteengesit noukeurig te volg, en die Heilige Gees toe te laat om jou in die volle waarheid te onderrig!
Ruan Benson (Christchurch, NZ)

Dr. Abel en ander soekers,
Daar is vele van 'ons' wat saam soek na God. Jammer maar ons sal God nie vind deur soeke wat gebaseer is op 'ons' vooraf opgestelde spesifikasie nie en sonder 'n spesifikasie weet ons nie waarna om te soek.
Om lang relaas te vermy haal ek 'n Indiese digter aan, ek dink dit sê alles: "O lord pardon my three sins. I have in contemplation clothed in form Thee Who art formless: I have in praise described Thee Who art ineffable: And in visiting temples I have ignored Thine Omnipresence."
Laat die soektog voortgaan,
Groete
Deetlift

Artikels van hoogstaande gehalte. Gaan so voort. En Abel Pienaar, dankie vir jou visie en bereidheid om voor te stap. Ek geniet alles wat jy skryf en sê...
Dana

Briewe Junie 2013

Abel, jou skrywes word net beter en beter! Ek kan nie wag om jou werk te lees nie, jy weet seker nie, maar jou insigte het my lewe gered.
Piete van Rooi, Angola

Geagte Dr. Pienaar,
'n Vriend van my het my van u webwerf vertel. Graag opper ek die die volgende na 'n vlugtige besoek aan julle webwerf:
Indrukke:

  1. Die eerste wat my opval is dat julle 'n DVD verkoop vir R130 maar darem "slegs" R110 vir SES lede!
  2. Ek sien SES lede kan afslag kry op dagkonferensies, kursusse, boeke, DVD's ens.
  3. Ek sien julle soek getalle.
  4. Ek sien julle is baie gesteld op julle titels.

Gevolgtrekkings:

  1. Julle is skitterende entrepeneurs in 'n land waar werkgeleenthede skaars is. Ek moet julle gelukwens met julle vindingrykheid, julle is vir ons 'n voorbeeld. Die Christene maak geld uit hulle godsdiens maar ontken gereeld dat dit die geval is. Die "Boereprediker" is 'n sprekende voorbeeld. Ek het al 'n paar konserwatiewe sommetjies gemaak oor sy byeenkomste en die wins was nie onaardig nie! Dit lyk nou vir my julle het 'n ewe winsgewende teenpool geskep. Ek het goeie moed vir julle as die getalle toeneem sal die wins marge dienooreenkomstig vermeerder.
  2. As mens getalle soek is jy of besig met 'n "kerk" of 'n politieke party, hoekom is getalle vir julle so belangrik?
  3. As mens 'n titel gebruik dan is dit 'n poging om jou gehoor, leser of wie ookal te be-indruk. Dit vermeerder die kanse dat hy jou sal glo met maklik 50% indien nie meer nie. Ek weet ek doen dit self uit die aard van my werk.

Wenk:

  1. As julle getalle soek die maklikste sal wees om julle volgelinge as "cool" voor te stel en die res as swape, die Afrikaner wil graag "cool" wees. Maar ek sien sommige van die briefskrywers doen dit reeds.
  2. 'n Goeie metode wat altyd werk om getalle op te stoot is om eenvoudig die statistieke te dokter. Die meeste mense tree op soos skape hulle volg die meerderheid, so skep die indruk dat julle baie is en moenie vergeet om julle volgelinge se titels by te sit nie. (Net soos papier is 'n webwerf ook geduldig).

Vrae:

  1. Dink julle die aarde is die enigste planeet waarop daar lewe is en waar daar mense met 'n "siel" of bewustelikheid is of wat mens dit ookal wil noem?
  2. Is dit moontlik dat ander "beskawings" in die ruimte bestaan wie se tegnologie ver bo ons sin is?
  3. Wie het die piramiedes gebou?
  4. Het iemand al daaraan gedink dat daar dalk 'n ander verklaring vir die herkoms van die mens kan wees as evolusie (let wel ek praat nie van die skeppings teorie nie)?
  5. Het u geweet dat daar bewyse is van buite-ruimtelike besoeke aan die aarde en ek praat nie van die UFO's nie maar van oeroue bewyse?

Toe u en u mede "teoloë" nog die kerk(e) gebruik het om die Afrikaner in 'n rigting te manipuleer was ek al 'n "vrydenker". Ek beskou teologie nie as 'n wetenskap nie, dit is bloot 'n teoretisering van die onwerklikheid gebaseer op mites met baie min konkreetheid. Hoe kan mens 'n wetenskap op mites bou? Daar is onlangs 'n "wetenskap" of twee wat op hulle koppe gekeer is deur eerlike mense wat helder kan dink (party het nie PhD's gehad nie), in Engels noem mens dit "common sense" dink ek.
Ek sal verbaas wees as u op hierdie skrywe reageer. Vir die wis en die onwis (ek weet nie hoe u webwerf werk nie) maar as u hierdie nuttelose samevoeging van woorde dalk iewers wil plaas of vir u vrou gee om te lees gebruik asseblief die skuilnaam,
"Wetenskaplike"

Abel
Dit is nogal ontstellend om te lees hoedat goeie Christene die vrydenkende gelowiges as ateïste en selfs sataniste uitskel. Wel ek is nie een van die twee nie. Ek glo wel in die onbegryplike misterie wat deur die eeue as God bekend geword het, maar nie in die mitiese God wat deur die mens verkersten is en al die ongoddelike alledaagse menslike eienskappe gekry het nie. Hoe is dit moontlik dat 'n alwetende God kwaad kan word vir Sy skepping, spyt kan wees vir wat Hy wetend geskep het, en met wraak Sy skepsels kan vernietig? Dit klop net nie vir my nie. En as ek wonder en met soveel dankbaarheid lees wat mense wat so baie van die vrae navors en ons inlig dan is ek nie 'n heiden of enige van die skeldname nie, maar saam 'n soeker na die antwoorde op so baie vrae. Dit is dan wat die woorde van Carl Sagan so waar word as hy sê: "Anything you don't understand, you attribute to God. God for you is where you sweep away all the mysteries off the world, all the challenges to your intelligence. You simply turn your mind off and say God did it."
Dankie vir SES se webblad.
Vollie V

Beste Dr. Piet Muller,
Ek het so pas jou kommentaar gelees en dit geniet. Mag ek my waardering en bewondering uitspreek vir jou moeite en vermoë. Ek het weereens besef dat 'n belangrike aspek van Jesus se boodskap nl. Die koninkryk van God/hemel sterk ter sprake kom maar nie tot sy reg kom nie. Ek dink nie dat die hoorders van Jesus (die Rabbi/meester) se leringe het die konsep verstaan nie. Daarom sukkel ons om sin te maak van die skrywers se insigte. Ek dink u kan met u insig 'n skrywe daarstel om ons te onderlê.
1. Ek sal graag wou weet of Jesus 'n unieke konsep daargestel het en of hy uit ander tradisies geput het.
2. Het die konsep reperkussies vir teologiese denke oor, 'Lewe na die dood'.
Met dank
Willie Booyens

Wonderlike werk deur Dr. Muller! Dankie vir die werklike kwaliteit navorsing op die Tomas Evangelie ... werklik wonderlik! Dankie.
JJ

Abel, Piet en ander skrywers ... dankie dankie dankie vir julle ongelooflike skrywes en insigte wat julle sommer so verniet met ons almal deel.
Gert en Vonnie de Klerk van Stellenbosch

Ek kry dikwels versoeke vir afskrifte van artikels wat ek geskryf het en wat lank gelede iewers verskyn het. Daarom het ek besluit om 'n keur van sulke artikels op hierdie blog te plaas en voortaan ook gereeld nuwe artikels daarop te plaas. Die tema van hierdie blog is Spiritualiteit-in-aksie. Wanneer 'n mens op hierdie terrein beweeg moet 'n mens nederig genoeg wees om te erken dat die wêreld nie uit regverdiges en onregverdiges, skape en bokke bestaan nie, maar uit soekers en nie-belangstellendes. As jy ook 'n soeker is, is jy welkom om na my blog te gaan loer by spiritualiteit-in-aksie.com
Piet Muller

Geagte Christo van der Merwe, in reaksie op jou laaaang brief in vorige maand se SES. Jy skrywe: "Hoe kan 'n mens iemand wat hierdie mites sonder enige nadenke as die heilige waarheid aanvaar ernstig opneem?" – Wel Christo, het jy al gehoor van iets soos GELOOF! Om te glo soos 'n kind! Dan is daar nie iets soos mites nie net WONDERWERKE!
Anoniem

Dr. Pienaar,
As 'n gelukkig getroude man met jong kinders het ek vanoggend in die kerk (Vrije Gereformeerde Kerk) die horrie pieps gekry toe die preek oor Artikel 13 moes gaan. Hoeveel arroganter kon die skrywers van die NGB nog meer gewees het as om aannames te maak soos in Artikel 13 nie, maar wat my die meeste pla is: "Ons wil ook nie verder as wat ons kan verstaan, nuuskierig ondersoek instel na die dinge wat Hy bo die vermoë van die menslike verstand doen nie..." En dan is die "back-up" natuurlik onderaan in 'n swetterjoel teksverwysings aangehaal. Waarna verwys hierdie mense wat hierdie goed skryf? Dat wetenskap sonde is? Dat vrydenk sonde is? Wat gee hierdie mense die reg om sulke goed te skryf? Nou wil ek in gesprek gaan met my vrou en kinders oor die goed en sukkel om dit te verwoord. Ek is net soos jy, wil graag wegbreek van die kudde maar ek vind dit moeilik om vir die vrou en kinders te verduidelik. My vraag is, hoe transformeer ek my vrou en kinders stadig maar seker om uit hierdie "brainwashing" te kom?
Anoniem (Kaap)

Sjoe Betsie, Gerrie, John, Pieter, Claudia, Hannelie, Armand en Veronica
Eerlik julle is die rede hoekom ek twyfel in die God van die Bybel. Nie mense soos Abel of SES nie. Maar julle. Julle wat sonder om 'n oog te knip ander kan verdoem. Groepe kan vorm en dan bid vir die "vernietiging" van 'n ander mens. Waar is Jesus se liefde in julle stelling? Waar is die draai van julle wang? Jesus wat op sy einde die mense vergewe het? Ek kan nie meer glo in daardie weergawe van God nie ... jammer maar haal die balk 'n slag uit julle oë.
PW

SES baie geluk met die wonderlike werk van Dr. Muller oor die Thomas Evangelie wat julle sommer net so verniet en vry publiseer. Groot waardering!!!
Prof. Geertze

Briewe Mei 2013

Goeiedag dr. Abel
Wanneer predikante, pastore en ander heiliges so gal braak teenoor jou persoonlik en vrye denkers in die algemeen, dan wonder ek eerstens of hulle nou regtig daarvan oortuig is dat die buitewêreld vir Jesus in hul lewens kan raaksien. Glo hulle werklik dat hulle met beledigings die voorbeeld van Jesus navolg?
Tweedens wonder ek of hierdie persone nou al eerlik en ernstig oor hul geloofsoortuigings gaan nadink het. Aanvaar hulle die kerklike dogma "soos 'n kind" of gebruik hulle hul gesonde verstand. Om aan 'n Opperwese te glo, beteken tog sekerlik nie dat jy jou verstand verloor het nie. Dis dan juis wat die gelykenis van die talente vir ons wil vertel, jy moet woeker met wat jy het.
Neem "gelowiges" van geskiedkundige en wetenskaplike feite kennis?

Hoe kan 'n mens iemand wat hierdie mites sonder enige nadenke as die heilige waarheid aanvaar ernstig opneem? Hoe kan iemand wat in hierdie mites glo, verwag om by ernstige godsdienstige gesprekke betrek te word?
Ek is oortuig daarvan dat die opnames wat aandui dat mense al minder gelowig is, nie rekening hou met die groot aantal wat vir hulself begin dink nie.
Groete
Christo van der Merwe

Dr. Abel,
Ek skryf vanaf Parys in die Vrystaat, hier is vrydenkers so skaars soos walvisse in Pretoria. En ek aanvaar dit is die geval in die algemene platteland. Is dit nie wenslik om een vrywillige adres in 'n dorp vry te stel nie, waar vrydenkers mekaar kan ontmoet, met die doel van algemene besprekings?
Groete
Deetlift

Werklikwaar, is hierdie lasterlike gelieg werklik nodig! Komaan, julle is dan denkende mense. Lees julle Bybels en hou op rondploeter in die modder!
Pieta Kruger (Vryheid)

Geagte Gerrie, jy't 'n vorige maand in jou briefie geskrywe dat jy "...lanklaas so gewalg gevoel na die lees van sommige briewe. Die een ou noem homself "Christen" en 'n ander noem homself "Wagter-by die-hek". Laasgenoemde se naam is erg aanmatigend." Wel ek wil jou nou terug antwoord, want ek is "Wagter-by die-hek". My rede hoekom ek dalk verdoemend vir jou oorkom is omdat ek so sterk voel dat Abel en van die ander skrywers hier jou 'n rat voor die oë draai en veroorsaak dat jy reguit op pad is na die hel. Ek kan mos nou nie toelaat dat hy en die ander soos hy julle mislei nie! Daarom moet ek praat en hart praat daarby! Jy verwys na jouself as Christen ... wat 'n grap! Geen Christen sal enigsins met Abel assosieer nie, want dan trek jy aan dieselfde juk as 'n ongelowige!!!!! Wat daarvan verstaan jy nie? Gerrie, bekeer jou en keer terug na jou EERSTE liefde! En as ek dit sê is ek geensins aanmatigend nie net pleitend!!!!
WAGTER BY DIE HEK

Dr. Pienaar se oggend- en aandpraatjies weerspreek mekaar. Ek lees sy Rapport en SES artikels en kan maar net my kop skud ... wat gaan met die man aan? Is al sy varkies op hok?
LvO

Wat 'n sotlike website ... LOL Sulke lawwe klomp Ateïste en Sataniste! Arme arme Abel en sy klomp fabels ... jy's 'n sot man!
Gert Peens

Hierdie Abel en sy 666 vrinne se dae is getel. By ons kerk het ons 'n gebedsgroep wat met die wapenrusting van God aan julle weekliks beveg. Julle dae is getel! ONS VADER SAL JULLE VERNIETIG – TOT SY EER!
Betsie, Gerrie, John, Pieter, Claudia, Hannelie, Armand en Veronica

Briewe April 2013

Beste Abel
Vanoggend het ek weer uit die kerk gestap en die gevoel van godverlatenheid (is die spreekwoord nog van toepassing?!) gehad. Elke Sondag die predikant se woedende preek oor die aanvalle teen die (NG) kerk, en die dreigemente van die hel as jy nie doen soos jou kerk vir jou sê nie – daar is niks om mee te werk vir die lewe hier en nou nie. Die hatigheid en woede van ons mense raak net te veel – in die kerk, buite die kerk, op die webblaaie van baie die mense wat die kerk verlaat het. Daarom wil ek net weer baie dankie sê vir jou webblad, net jammer dat die briewe van haat en nyd selfs hier uitslaan. Miskien moet mens verstaan dat soveel haat noodwendig spruit uit mense se vrees – vrees dat dit wat vir so lank in ons in gebreinspoel was dalk nie die waarheid was nie? Wat dan? So baie mense voel soos ek en menige ander maar veral in kleiner gemeenskappe voel mens soos 'n spioen wat ondergronds gegaan het. Baie dankie, julle artikels is regtig vir so baie van ons al wat hoop gee dat daar nie so veel met ons verkeerd is nie.
Soekende, R L

Geagte Abel, nadat ek jou en prof. Craffert se artikels oor die oopgesprek gelees het, is ek seker van een ding en dit is dat julle werklik julle tyd mors. Die kerk het God geskape om aan die kerk 'n rede vir sy bestaan te gee. Nou wil julle hê die kerk moet die beeld van God wat oor eeue met die toedoen van die kerk versteen is tot 'n monolith, bevraagteken en byderwets probeer maak. Die kerk verloor lidmate omdat hy nog glad nie by die postmodernisme uitgekom het nie. Maar hy verloor duisende wat 'n klein prys is teenoor wat hy gaan verloor as hy enige van sy geloofsartikels sou verander of verwerp. Dan praat ons van miljoene. Waar begin die kerk, by God as skepper? of by Jesus se maagdelike geboorte? of by die wederopstanding van die vlees? Wat in die Bybel kan die kerk onder die loep neem? Die skepping? of die sondeval? of die tien gebooie? of Jesus se opstanding? Ongelukkig niks hiervan nie. Die kerk is vasgevang in 'n monolith wat nie kan verander nie en wat ook ter wille van die kerk se bestaansrede nie mag verander nie. Wat wil dit vir ons sê? Vergeet die kerk, ook enige gesprek daarmee. Skep meer geleenthede tussen hulle wat hulle buite die kerk bevind om met mekaar 'n oop gesprek te hê. Beplan nou reeds om die duisende afvalliges op 'n manier by die gesprek te betrek – julle wil tog nie die miljoene vir jul rekening hê nie.
Hennie Swanepoel (prof)

Abel Pienaar is een afvallige knuppel.
Henk de Greef (Nederland)

SES is soos 'n vars briesie.
Tannie Ans

Die artikels is van hoogstaande gehalte. Dankie vir die kwaliteit werk.
B. Breytenbach

Briewe Maart 2013

Ek het lanklaas so gewalg gevoel na die lees van sommige briewe. Die een ou noem homself "Christen" en 'n ander noem himself "Wagter-by die-hek". Laasgenoemde se naam is erg aanmatigend. Dit blyk dat sommige Christene dit as hulle taak beskou om mense wat anders dink te verdoem. Ek het baie Christen vriende en die beeld wat hulle voorhou lyk total anders as die van "Christen" en sy soort. Terloops, die mense wat nou nog nie evolusie as 'n feit aanvaar nie, maak oop julle koppe.
Gerrie

Weereens dankie vir SES ... dis so lekker soos koeksisters (destyds by die NG kerk basaar). Dit bring my by "Pieter en Hanlie" en "Wagte by die Hek" en "Christen" wat so liefdeloos oordeel en alreeds die SES-ouens in die hel sien brand. Ek studeer weer wat ek sien as 'n direkte "positiewe" input van SES op my lewe. Ek mag ook weet en ek mag ook DINK en ek mag ook uitvind wat ander sê en dink. As ek 'n lemoen eet wil ek nie graag van jou hoor hoe die lemoen proe nie! Ek sal jou 'n skyfie gee, dan kan jy self proe en dan kan ons lekker gesels oor die proe. Maar as jy nie wil proe nie is dit ook goed so ... as dit anders-om vir jou werk is dit goed ... Ek sal jou nog steeds waardeer. Ons is maar almal uit stof gemaak. Sou graag die boek van Dr. Ben Barnard wil bekom (Dit kom van ver af). Waar kan ek soek?
Frik

Abel tokkel alewig op dieselfde snaar ... Komaan! Niemand gee om wat jy sê nie ... NIEMAND!!
Ferdi Coetzee (Stellenbosch)

Abel lyk my die God kiem in jou riem pla jou.
Riempies Piempies

Dok Abel, ons wil jou gelukwens met jou optrede by die Woordfees in Stellenbosch die afgelope maand. Briljant! Jy het die oorvol tent se gehoor aan jou lippe laat hang. Ons wens net ons kan meer van jou hoor.
Gerty Van Niekerk, Elsie Craffert, Jean Heyns en Coert Nel

Abel Pienaar praat bollie. Hy wil maar net sy eie snert verkoop as waarheid. Sy kritiek op die Kerk en Christene kom vanuit sy eie onvermoë om 'n ware bekeerling te wees. Ons lees mos van die laaste dae en die valse leraars. Nou wel as daar 'n beter voorbeeld van 'n valse leraar is as ABEL PIENAAR, dan eet ek my hoed op.
Leon Venter (Durbanville)

Vatso! Daar spreek Abel dit presies soos dit is. Ek was trots om jou so in aksie te kon sien, welgedaan!
Anonieme Woordfees-bywoner en NG lidmaat

Verkondig die WAARHEID en dit is: Een Here: Die Here Jesus Christus. Een geloof: Die geloof in die Here Jesus Christus, om die ewige lewe te beërwe. Een Doop: Die doop in die Naam van die Here Jesus Christus, tot vergewing van ons sonde.
Ben Venter

Geagte Dr. Pienaar,
Hierdie is my eerste skrywe, het die webwerf ontdek na my soeke na Lina Spies se e-pos adres. Ek is ook een van die bevoorregtes wat as gevolg van ander denke gevra is om my kerk te verlaat. Dit was die NG denominasie. Groot was my verbasing toe ek van die antwoorde op u webwerf lees. Dit laat my dink aan 'n aanhaling van Gandhi, my eie vertaling: "The whole world would have been Christians, where it not for the Christians." Hy het dit op 'n vergadering gesê nadat hy met die destydse Kerkleiers in gesprek wou tree t.o.v. Christenskap. Hy het uit die aard van die kerkstelsel die koue skouer gekry. Die kerkstelsel van daardie tyd en ook vandag nog het aan hom hulle eerlike waarheid geopenbaar nl. LIEFDELOOSHEID net soos vandag nog. Lees ek die briewe, met die naakte haat wat dit verteenwoordig laat dit dink aan die Anabaptiste en Kruisvaarders se tye. Ek is seker, was dit nie vir ons wette van vandag en die feit dat die Susterkerke geen faktor in vandag se lewe is nie, al die andersdenkendes se lewens in groot gevaar sou wees. Dit is dieselfde haat wat kan doodmaak! Ek wil nie sê ek stem saam met julle siening ten volle nie, net so min stem ek saam met die horde leuns wat ons deur al die jare van die kansels af gehoor het. Juis daaroor neem ek dit persoonlik as 'n vernedering as iemand my 'n Christen noem. Die briefskrywers het nog nooit God se alom teenwoordige LIEFDE ervaar nie, die Liefde wat nie oordeel nie. Verskoon die spelling, daar is sekerlik net een Lina Spies. Baie Groete en Liefde!
Andre van Graan Pretoria in Tshwane.

Briewe Februarie 2013

Heer Pienaar, ek ontbloot jou vandag as die Antichris. Wees almal dus gewaarsku! Trek nie aan dieselfde juk as die onheilige nie.
Pieter en Hantie van der Merwe

Abel Pienaar ek verafsku jou en jou gebroedsel. Julle sal almal brand. Almal van julle.
Wagter-by-die-hek

Werklik 'n kwaliteit webtuiste! Ek het genoeg leesstof vir die volgende maand. Baie dankie vir die kwaliteit artikels.
Bertie Vosloo

Dankie vir die boekresensies. Dit help regtig om insig te verkry in kwaliteit werke.
Elize

Dr Abel,
Ek vind jou bydraes stimulerend en bevrydend. Ek het ook jou boek "The Warrior's Manifesto" besonder boeiend gevind.
Petra Els

Abel Pienaar en al die ander WIT Ateïste. EN Ja, almal WAT JULLE GLO, soos o.a. ook hier, op hierdie stupid website ... julle is flippen dom en wat-nog-alles. Stupid!!! ... sê ek!
CHRISTEN

Dok Abel hou maar lekker aan met soek. Jy gaan egter nooit vind as jy aanhou om so krampagtig vas te hou aan die evolusie leer nie. Jy is verblind deur die god van die wêreld, mag jou oë oopgaan vir die waarheid van God – geopenbaar in die vlees.
Hermes Jacobs

Briewe Januarie 2013

Die mens is op een of ander manier gelowig en be-oefen 'n gekose geloof in die praktyk. Bergson het die geloof in staties en dinamies geklasifiseer, ek egter noem dit verslaafde en vrye geloof. Vryheid is wanneer jou kognitiewe ruimte nie aan enige parameters geketting is nie, maar jy vry is om ongehinderd te soek na waarhede in die onbekende ruimte. Terwyl aan die ander end van die spektrum is die verslaafde geloof, waar die gees vas geketting en geblindoek is aan voorgeskrewe informasie en idees.
Deetlift van Breda

Ai Johan van die Ware Kerk van Christus, is die God waarin jy glo werklik so kleinlik dat hy 'n hele land sal straf omdat daar mense is wat hulle Godgegewe verstand gebruik en dink? Hoe glo jy my vriend? As jou geloof sterk genoeg is sal jy mos berge kan versit. Moenie oordeel nie en gun ons die voorreg om te kan dink en nie andersdenkendes so te misken nie. Abel, en die skrywers van Januarie se artikels, puik werk. Baie dankie.
Vollie

Net om almal in kennis te stel van ons baie suksesvolle "Vrydenkers" beraad hier in Mosselbaai wat op Woensdag 9 Januarie plaasgevind het, wat nou bekend staan as die "Mosselberaad." Hanneli Bendeman en 7 ander het die beraad bygewoon. Net 'n kort versoek aan al die Suid-Kapenaars, ons nooi julle uit om At of Hanneli per e-pos te kontak. Ons sal graag ander Vrydenkers wil ontmoet en betrek by ons "beraad." Groetnis hier uit Mosselbaai. Onthou wanneer julle in ons omgewing is om ons te kontak: en

Hierdie artikels is nie van waarde nie!! Want dit is gevul met die valse lerings van die Antichris!! Abel en al jou maatjies, julle sal die oordeel van DIE WARE GOD EN VADER beleef die dag wat julle voor HOM verskyn!! Ek bid vir julle bekering voor daardie dag!!
AvG

Briewe Desember 2012

Kan iemand my asb sê wie gee hierdie klomp sogenaamde "vrydenkers" die reg om die Almagtige God so uit te daag? Besef julle nie dat julle die toorn van God ophaal vir die res van ons nie????? Kyk hoe gaan dit in Suid-Afrika! En dit is omdat ongelowiges soos julle God tart!!!!!!
Johan van die WARE KERK VAN CHRISTUS

Dr. Abel, dankie vir die plaas van elke SES artikel. Diep en bevrydende leesstof. Dankie.
M. du Preez

Baie dankie vir die kans om oor die afgelope jaar saam met julle hier op SES te kon wonder, dink en idees uit ruil.
PvN

Briewe November 2012

Keuse berus by jou, niemand anders kan namens jou kies nie. Jou keuse berus op jou geloof, in die gekose geloofsbasis of fondasie van jou verwysing raamwerk.
Deetlift van Breda

Dr. Abel, dankie dat jy aanhou ywer om mense nie toe te laat om oningelig rond te loop nie! Ons as die denkende, bevryde mense moet help om "koppe" oop te kry!
Gerhard Wienand

Ek is baie beïndruk met wat julle doen! Ek is juis een van die Afrikaners wat nooit die kerkstorie gekoop het nie, en in 1987 hoop opgegee het dat dinge ooit sal verander, en na die buiteland getrek het (VSA in my geval).
Santie

Dr. Abel, weereens moet ek dankie sê vir November se artikels. Frik Maree skryf van die koptronk waarin so baie van ons mense gewilliglik bly. Ek wil hom net verseker dat met elke SES artikel kon van hierdie dinktralies oopbuig. Ek is reeds uit die tronk, maar kruip nog in sy skaduwee weg, want ek vrees die klippe wat my gaan tref wat uit die tronk gegooi gaan word as ek in my gemeenskap my Vryheid verklaar. Wonderlike leesstof. Baie dankie.
V

Abel se fabels bly darem oppervlakkige drek. Maar nou ja, daar is seker maar baie mense wat hou van Abel se Oprah-styl antwoortjies. Ek stem saam met Piet Croukamp, Abel is ruggraatloos en hy span sy seile soos die wind waai.
Jan Hendrik Steyn

Hoe kan enigiemand hierdie onsin lees. Neem julle Bybels op (Die Enigste Ware Woord van God!) en gaan op julle knieë en pleit vir julle sonde. Want julle speel so in die hande van die AntiChris...
Peet Kirsten (KZN)

Abel, ek lees gereeld jou skryfstukke in Rapport. Wil net sê dankie! Jy beteken vir my en ek glo ander ongelooflik baie. Ek wens dat ek naby jou gewoon het, want dan kon ek 'n lekker wyntjie saam jou gedrink het en lekker gefilosofeer het.
Chris Visser van Nairobi in Kenia

Dr. Abel,
Dit verras my (nie aangenaam nie) telkens wanneer ek die briewe lees van persone wat so graag as Christene wil bekend staan en ek sien dan hoe beledigend en oningelig hulle is. Ek het nog nooit gesien dat een van hulle met 'n logiese redenasie kom om moderne Bybelwetenskap te weerlê nie, Arno (Teologiestudent, Bloemfontein) se brief is 'n baie goeie voorbeeld hiervan. Sy bewering dat prof. König jou dan so vreeslik op jou plek gesit het, laat sy onderrok van totale onkunde ver uithang. Onder die dekmantel van teologiese studies (wat ek sou aanbeveel dat hy liewers moet laat vaar) matig hy hom aan om neerhalend teenoor sy meerderes op te tree sonder dat hy 'n enkele geldige stelling kan maak. Duidelik aanvaar hy dat die titel "teologiese student" hom verhef bo ons arme, "verlore" drommels. Wanneer sal persone soos Arno en pastoor Gerrie East (Noord-Kaap) tot die besef kom dat modern mense vir hulself kan dink en hulle nie meer aan ongegronde stellings van "geestelike leiers" steur nie?
Christo van der Merwe

Abel, GELUK MET JOU NUWE BOEK! (Oeps, mag mense weet dat jy Smile Warrior is?) In elke geval, ek het lanklaas so wonderlike stukkie prosa gelees. Jy het The Warrior's Manifesto as moderne fabel lewend gemaak vir my, om daardeur iets van jou mistieke spiritualiteit te verstaan. Dankie, Smile Warrior!!
Dr. Werda Geereke-Frey (London)

Briewe Oktober 2012

Nadat ek die artikels op spiritualiteit.co.za begin lees het, het ek van NOG meer 'kindred spirits' (vrydenkers) se oortuiginge en interpretasies te wete gekom! Baie dankie vir hierdie inisiatief – daar kan geen prys op sulke kennis geplaas word nie.
W.A.G.

Fieeee-nom-mieee-naal om hierdie artikels te lees ... dit maak my hart en gemoed lig! Dankie Abel, jy is 'n ligpunt vir my.
Tan Ann

Wat 'n ontdekking! Vele dank!
Pieter en Sue van Namibië

Ek verwyt die Sentrum dat hulle mense mislei. Hulle minimaliseer die werking van die Heilige Gees!
Chriso van der Loo

Soos gewoonlik 'n klomp twak. Ek meen waar kry julle al die narre wat hier skryf. En jy Abel Pienaar is die grootste NAR van die klomp. Waar kry jy die drek wat jy skryf??!! Ag nee wat hierdie artikels van julle is regtig nie die moeite werd om te lees nie. Lees eerder Prof. Adrio König, in sy nuutste boek sit hy in elke geval vir jou, Abel, lekker op jou plek! Geluk Prof! Ons het meer soos jy nodig!
Arno (Teologiestudent, Bloemfontein)

Dr. Pienaar, dankie vir hierdie forum, jy skep vir baie soekende en denkende mense 'n plek om veilig te voel. Dankie ook dat SES gebalanseerd is tussen godsdienstige denke en wetenskaplike denke. Groot waardering.
Dr. G. J. Potgieter

Abel jy is 'n ligpunt in die religieuse debat in hierdie land. Hou so aan!
Kosie Ruus

COOL SITE!! ;-)
Gerrit P

Die oop religieuse gesprek begin nou eers regtig in SA vlamvat ... tot op hede was dit nie 'n gesprek nie dit was 'n oorlog, waarin die kerk die paar enkelinge wat durf anders sê onmiddellik stilgemaak het. Abel, Sakkie, Hansie, Piet Muller, Julian en Cornel du Toit was/is daardie stemme wat nie meer stilgemaak KAN word nie. Bly praat, bly dink en bly voorloop, ons het julle nodig!!
P. Brink (België)

Briewe September 2012

Volgens dr. Pienaar is hy die enigste een met die waarheid. Hopelik vind hy sy dwaasheid vinnig genoeg uit.
Alex Venter

Dr. Pienaar, baie dankie vir jou eerlike stem. Jy's 'n simbool vir 'n nuwe generasie van vrydenkers.
Pieter-Jan, Jean, Frederik, Sunel, Kathy, Jacques en Adam

Abel, help asb. ek verstaan nogal heelwat waarhede nl. dit is die waarheid dat die waarheid onbekend is. Maar kan nie Adrie Verbeeck (briewe Aug) se "valse waarhede" begryp nie, miskien verstaan hy die Bybel beter as ons. Dankie jul artikels word waardeer. Groete,
Deetlift van Breda

Wonderlik, wonderlik en wonderlik.
Peet van Rensburg

Die artikels is van hoogstaande waarde. Dankie vir die beskikbaar stel van al hierdie insiggewende werke.
Prof. Hennie Vermaak

Die boek resensie van The Three Lost Keys of Christianity (van Piet Odendaal) het my nuuskierig gemaak ... Dankie dat SES ook minder bekende skrywers aan ons bekendstel.
PVN

Goeie artikels – hou so aan!
Werda Eksteen

Hierdie klomp swak sedeprekies is om oor te lag. Draai terug na die Drie-Enige-God en julle sal: Vrede, Wysheid en Redding vind.
Past. Gerrie East (Noord-Kaap)

Briewe Augustus 2012

Dit is vir my hartseer dat sommige mense so geneig is om vanuit die staanspoor op die negatiewe in die lewe te fokus en die "duiwel" oral te soek. Dit is ook onomwonde duidelik dat baie van die wat negatiewe kommentaar lewer, hoegenaamd nie die artikels op SES gelees het nie en dus nie regtig in 'n posisie is om ingeligte kritiek te lewer nie.
Waarom kan ons nie almal eerder hande vat, saam die Groot Liefdesgebod aangryp, en vergeet van die res nie? Waarom mekaar verskeur bloot omdat iemand anders dink of glo as jyself? Tel iemand se dade en integriteit nie veel meer nie?
Wat ek glad nie kan kleinkry nie, is dat mense vergeet dat hulle eie Bybel sê: "Moenie oordeel nie, sodat julle nie geoordeel word nie..."
Ilse Lombard,

Ag shame, hoe mense nie in hulle eie sogenaamde kennis verstrengel kan raak nie. Maak julle oë oop en lees die Woord van God en hou op wonder!
Pieter Els

Beste Dok,
Nogmaals baie dankie vir die baie interessante en insiggewende artikels. Vir 'n soeker na die waarheid beteken dit oneindig baie vir my.
Jesus het nie gekom om my te red nie maar het my kom wys hoe ek myself kan en moet red. Ek glo dat elke mens het 'n "god potensiaal in hom of haar. Soos u tereg opmerk hemel ons die mens Jesus op en in die proses kom ons nie agter wat hy vir ons wil sê nie. Ek glo nie hy het homself as 'n kultusfiguur beskou nie. Ons maak van hom 'n kultusfiguur.
Deur die artikels te lees is baie van my vermoedens bevestig en baie vrae beantwoord. Mense dink nie meer vir my nie, ek dink vir myself.
Beste wense vir die pad vorentoe. Mag die waarheid ons vry maak.
Willie

SES! Hou so aan.
PP

Wonderlike artikels en boekresensies, onmisbaar. Doen so voort!
Gert van der Merwe

Dankie Abel en jou span! Ek kan nie wag vir elke maand se artikels nie.
Pieter van Amsterdam

Briewe Julie 2012

Abel Pienaar moet tog net asb. stilgemaak word. Sy woorde saai verwarring onder baie mense, veral onder die jeug! Hy sal eendag moet verduidelik hoekom hy sulke valse waarhede verkondig het.
Adrie Verbeeck

Skitterend! Die implikasies van die inhoud van SES is diepsinnig en groundbreaking!
Johan Taylor

Geagte Dr. Pienaar,
Ek is 'n lewenslange, getroue lidmaat van die NG Kerk op 'n plattelandse dorp, wat jare reeds soekend was, en toe ek hierdie webwerf raakloop, was ek baie dankbaar.
Vir my kom die proses van lees en leer nie tot 'n einde nie. Daarvoor sorg elke maand se artikels uit SES. Ek kan nie wag vir die nuwe maand se artikels nie. Dit is altyd interessant, stimulerend, prikkelend. Ses het, saam met die boeke van Piet Muller, Willem de Klerk, Karen Armstrong, Willie Esterhuize, Andrie du Toit, Sakkie Spangenberg, Ben du Toit, Abel Pienaar, Harry Kuitert, Ferdinand Deist en baie ander, baie bygedra tot my begrip van Bybel en van ons geloof.
Die persone wat SES so kritiseer het waarskynlik nog net die Bybel gelees, nog nooit oor die Bybel, en waar die boek vandaan kom nie. Hulle weet blykbaar ook niks van die geskiedenis van die Christendom nie. Prof. Adrio König skryf BAIE insiggewend hieroor en ek beveel hom graag aan by die ouens wat soos gifappels aan SES skryf.
König is een van die voorste Gereformeerde teoloë in Suid-Afrika. Hy is deeglik en dissekteer soos 'n chirurg tot op die been. Hy beskou elke kwessie eerlik en op die man af. Elke lidmaat van die susterkerke MOET hom lees voordat hy oor die teologie of godsdiens wil saamgesels.
Maar wat my by lees daarvan opval is 'n reëltjie of twee uit W.A. de Klerk se boek Die vreemde God en sy mense waarin hy op p. 13 oor die huidige krisis in die kerk sê:
"Dis 'n teologiese krisis, omdat nuwe denke die ou leerstellings van die tradisie in 'n debat daag; 'n kerkkrisis waarin die kerk rondval en hom in bogte buig om die onbehaaglikheid van baie van sy mense te besweer."
In die rol waarin König homself vasgemessel bevind; nl. dié van 'n behoudende teoloog, is sy poging lofwaardig om die geloof te verklaar, maar in die proses buig König (net soos die kerk) homself in bogte. Die titels van sy laaste paar boeke voorveronderstel twyfel, onsekerheid en 'n geloofskrisis bv: Wat is Reg? Weet Iemand dalk in 2005, Die Evangelie is op die Spel in 2009, Wie is God? is pas in 2012 uitgegee.
Prof. Jurie van den Heever skryf op 1 September 2011 in 'n 'Ope brief aan al die Gereformeerde kerke in Suid-Afrika', "Om so kop in die sand te steek, los niks op nie."
Lees die Bybel, maar lees ook oor die Bybel, en word wys!
Anoniem

Dis wonderlik om die almag en ewigheid van die drie-enige God in jou lewe te ervaar. Jesus en die apostels het ons gewaarsku dat mense soos julle, deur die Groot leuenaar gelei, sal kom om die kerk te verlei. Die Vader Sy dank. Slegs hulle wat nie aan Hom behoort nie sal verlei word. So bewaar Christus en suiwer sy kerk deur hulle wat nie sy kinders is nie af te sny met bedrogpraatjies van die valse leraars. Julle teenwoordigheid is vir ons 'n bevestiging dat die eindtyd nader snel. Hou dus asseblief so aan sodat God se raad kan volbring word.
Johan Snyman (Stellenryk)

Ek bestraf elkeen wat mee maak met SES – in die NAAM VAN JESUS CHRISTUS!!!
CHRISTEN-KRYGER

Ja julle klomp is praatsiek en bemoeisiek en is taamlik ongeneeslik siek hieraan. Ek noem dit vir julle klomp want meeste van die tyd is die lyer onbewus van sy siekte. Gelukkig is die Groot Geneesheer by magte om julle te genees! Laat hierdie waarskuwing nie ongehoor verby julle klomp gaan nie!
Jan van der Klee

NONSENS! Nie een van die artikels op hierdie webtuiste maak enige sin nie!
Anoniem

Dankie vir elke artikel ... julle laat my dink en bring soveel insig. Dankie!
Tannie Ester (Brits)

Beste Piet,
(Verwys na Dr. Piet Muller se artikel: Adam, Eva, die boom en die slang)
DIE TWEE BOME: Die woorde 'goed en kwaad' kan 'n Hebreeuse idioom wees wat die volle spektrum van morele kennis aandui. Deur van die boom van kennis van goed en kwaad te eet, sou die mens dus soos God word. Die boom van die lewe wat vir die mens weens sy sonde onbereikbaar geword het, word in die laaste boek van die Bybel se laaste hoofstuk (Openbaring 22:2) soos volg beskryf:
'In die middel van sy [die nuwe Jerusalem] straat en weerskante van die rivier was die boom van die lewe wat twaalf maal vrugte dra en elke maand sy vrugte gee, en die blare van die boom is tot genesing van die nasies.'
Die Boek van Henog beskryf die boom van wysheid soos volg in Hoofstuk 32:
4. Daardie boom was in hoogte soos die denneboom, en die blare soos die boom van dié van die Johannesbroodboom: en sy vrug is soos die trosse van die wingerdstok, baie mooi: en die geur van die boom dring ver deur.
5. Toe sê ek: Hoe pragtig is die boom en hoe aantreklik is dit nie!
6. En toe het Rafael, die heilige engel wat by my was, geantwoord en aan my gesê: Hierdie is die boom van wysheid, waarvan jou vader, oud in jare, en jou ou moeder wat voor jou was, geëet het, en hulle het wysheid geleer, en hul oë is geopen, en hulle het geweet hulle is naak en is uit die tuin verdrywe. (Gen. 2:9, 3:6). [Die Boek van Henog, bladsy 30].
Die boom van die lewe verwys waarskynlik na die diereriem.
Adam versinnebeeld waarskynlik Arcturus, die vyfde helderste ster in die sterrebeeld Boötes of Ploegman. Boötes uit Latyn, Boōtēs uit Grieks is 'ploegman', uit boōtein 'ploeg', uit bous 'bees of os' (Heritage Illustrated Dictionary). Die ster het die midwintersonsopkoms aangetoon.
Eva verpersoonlik waarskynlik soos die Nordiese Frigg [Vrug] die helderste ster in die sterrebeeld die Maagd, naamlik Spica of Alpha Virginis. Dié blouerige ster is een van die vyftien helderste sterre in die hemelruim. Die slang versinnebeeld moontlik Cor Serpentis [slang se hart] in die sterrebeeld Serpens Caput [slang se kop].
Vriendelike groete, Hennie

Weereens dankie aan almal wat meegewerk het aan SES se publikasies! Ek kan nie wag om elke maand se artikels te lees nie. Dankie dok Abel vir jou voorloop.
Leon Snyman (tans woonagtig in New York)

Briewe Junie 2012

Die wetenskap en veral die natuurwetenskap eien die edel karakter vir hom/haarself toe om waarhede deur beskouing en herbeskouing te suiwer en suiwer te hou. In praktyk is dit nie wat gebeur nie. Natuurwetenskap is besig om 'n stewige skoot "dogma" te ontwikkel en word genoem HOOFSTROOM WETENSKAP. Alle afwykende sieninge word geweer deur 'n proses wat as niks anders as ongebreidelde sensuur bestempel kan word nie. Die wering van afwykende sieninge vind plaas op die vlak van onderrig, navorsingsbevondsing en publikasie. Die stroom getuienis van wetenskaplikes wat die etiket "pseudo-wetenskaplikes", "cranks" ens. gegee word dien as aanklag teen vroomheid van die huidige bedeling. Dit is duidelik vir my, dat wetenskaplike fundamentalisme die soeke na waarheid strem. 'n Artikel-in-vorming sal hopelik mettertyd die saak en aanklag in perspektief plaas.
Willie Booyens

Wonderlike keurige versameling van artikels. Doen so voort!
Dr. Gerrie du Bruyn

Godlasterlik en verdoemenswaardig! Julle almal wat meedoen aan die webbladsy sal eendag verantwoording moet doen voor die ENIGSTE WARE GOD.
Frikkie B

Ek bid die BLOED van Jesus Christus oor almal wat hier lees! Amen in SY NAAM!
Jan van der Merwe

Abel en sy fables is oor die afgrond!!!!!!!!!!!!!!!!!!!!!!
Erna du Plessis van Vereniging

Ek kan maar net vir julle bid dat julle oë sal oopgaan! Ons Verlosser het reeds twee duisend jaar gelede vir julle redding begin werk, moet nou nie eendag voor die troon gaan staan en sê julle het nie geweet nie!
Karin Prinsloo

Dankie vir al die goeie artikels. SES is besig om my gewildste web bestemming te word. Dankie vir goeie werk.
Susan Fischer

Great articles!
Peter Roberts

Briewe Mei 2012

BRILJANT! SES is relevant vir ons tyd.
Gertjie Strydom (Randburg)

Hierdie website is seker van die beste kwaliteit: aktueel en diepsinnig! Hou so aan, baie mense vind hier 'n tuiste. Ek het van die web adres gehoor via 'n vriendin wat tans in België woon. So julle is verseker besig om wye draaie te loop. Ek was baie trots om te sien dat hierdie 'n Suid-Afrikaanse produk is. 101 uit 100!
D. Snyman

Ek voel ook dat ons as SES, nie anonieme, onintelligente en afbrekende briefskrywers moet toelaat nie. Hulle bring 'n negatiewe en onbevredigende atmosfeer na 'n oop en vrye ruimte.
Pieter van der Eck

Middag Dok,
Graag wil ek my dank, en ek glo al die ander miljoene SES lede (asook die koekeloerders, nie SES lede) – ons dank uitspreek aan al die artikelskrywers. Nie net verryk hulle ons kennis en insig nie, maar ook betower hulle ons met die mooiste Afrikaanse letterkunde. Soms raak ek so emosioneel oor die wyse hoe die manne en vroue met die taal "toor" (verskoon my onkunde rakende die regte woord) dat ek wonder: "Nou waar in die lewe was ek toe hierdie wonderlike taal aangeleer was?"
Ons opregte dank aan almal. Groete vanaf (of is dit nou "uit"?) Mosselbaai.
At Fourie

Ek het al voorheen hier gesit en 'n e-pos aan jou begin skryf, maar dit telkens weer uitgevee. My ewigdurende soeke na waarheid is eerlik, maar my vrees vir 'n volgende eksklusiewe groep (met 'n leier) net so opreg. Wat maak mens met die teenstrydigheid van te wil behoort, maar om godsnaam net nie aan 'n groep nie? For better or for worse, hier staan ek nou. Ja, dit is die publikasie van die boek (wat ek nog nie gelees het nie) wat my by SES uitgebring het. Ek reken dit het tyd geword vir ons andersdenkendes om op te tree asof ons ook vryheid van spraak het en dit lyk vir my of hierdie 'n veilige forum kan wees?
– "Los my"

Die Ewige Vader huil oor wat met Sy kinders gebeur het. Bekeer julle terug na Hom en Hy sal julle vergewe!
Pieter Diedriks

Aan SES-lid. Is jy bang vir ander opinies? Is jy nog bietjie onseker van die nuwe glibberige pad wat jy op loop? Toe nou, as jy jou uitgee as 'n sucker moet jy bereid wees om geeët te word.
NIE-SES LID

Wat 'n klomp swak teologie. Miskien moet julle klompie maar weer terug skool toe, wat hier gaan nie veel aan nie. Veral jy, Abel met al jou fabels. Dat jy so arrogant kan wees om jou swak redenasies aan die groot klok te hang verstaan seker geen regdenkende mens nie. Abel, wil jy nie asb. SHUT UP!!!!!
– Dr. Teoloog

SES is my redding! Dankie Dr. Pienaar vir jou visie en bereidheid om jouself so oop te stel vir kritiek. Weet net dat jy baie beteken vir alleen soekers soos ek. Ek is 65j. en 'n ouderling in my gemeente. Maar ek doen dit vir my vrou en my kinders (en kleinkinders!). Ek kan met niemand praat oor my twyfels nie. Hou dit maar altyd vir myself! Daarom, dankie vir SES!
Oupa Soeker

Briewe April 2012

Abel, hierdie maand se artikels was weer 'n riem onder my hart. Ek wens ek kon my denke ook so knap uitdruk. Dit is vir my elke keer 'n openbaring om te lees hoe ander mense my eie denke en soeke kan verwoord. Daar is elke keer soveel stimulerende artikels wat my so versterk in die soeke na 'n waarheid. Ek het soveel meer sielsbevrediging en insig gekry sedert ek lid van SES is, soveel meer waarde en genot uit die vryheid van denke wat die maandelikse artikels my gee. Ek wens net dat ek nader aan die stad was sodat ek persoonlik met van julle kon gesels.
Baie dankie Vollie.

Ek stem heelhartig saam met "SES lid" se voorstel dat ons nie meer die fundamentalistiese Christene se briewe plaas nie. Hulle dra werklik niks by tot die debat nie!
Piet (ook lid van SES)

Liewe SES-lid, as jy jouself wil uitgee vir 'n toffie, dan moet jy dit kan vat as jy gekou word. SES is 'n oop forum met waardes soos "'n ruimte vir oop gesprek" en "soeke na waarheid" ens... so wat verstaan ek verkeerd. Het net die eenders-denkendes die reg om hier te skryf? Dan is dit mos sensorskap en nie vryheid van spraak nie.
JJ Pieterse

SES-lid, waarvoor is jy bang? Weet jy dan nie van "sticks and stones may break my bones but words won't hurt me"?
Ook 'n SES-lid.

As Abel orals wil rondloop en "Vryheid van spraak" wil verkondig, dan moet hy tog dit ook kan vat as mense hulle vrye opinies lig!!!!
Anoniem

As lid van SES wil ek die briefskrywer van laas maand wat homself 'SES-Lid' noem, net die volgende: Miskien kom dit neer op 'n hoe mense produktief van mekaar kan verskil – goeie maniere vir goeie gesprek. Indien enige briefskrywer dus nie aan hierdie etiek voldoen nie, moet SES tog die reg hê om die brief nie te plaas nie.
Johan

Stem 100% saam met 'SES lid'. Dit is 'n kwessie van styl. Sodra iemand hou by die tema en nie persoonlik raak nie, is dit volgens my 'n sinvolle bydrae. Wat egter heeltyd gebeur is dat iemand soos Abel persoonlik aangeval en beledig word. Nou wat is die sin daarvan?
Dr. Pieter van der Merwe

Die algemene Christen hier doen onreg aan sy/haar geloof en die bemarking daarvan. Veertig jaar terug was daar seker nie meer as vier Afrikaanse kerke nie, of misgis ek my? Ek tel nou die dag ons plaaslike koerant op en tel vir interessantheid: oor die vyftig geadverteer. Mense, uit respek vir julle geloof en wese, dink aan die volgende. Julle preek van die laaste skaap in die kraal wat gewin moet word, van naasteliefde en toleransie, die balk uit jou eie oog voor dié in ander s'n. Ten spyte hiervan, spu 'n hele paar van julle sulke haat uit dat 'n nuwe leser tog sekerlik gaan wonder oor julle beginsels en dalk elders gaan soek. Ons wat elders soek moet gaan brand en wie weet wat nog? Wat van jy sit stil daar in daai hokkie van jou lewe, lees wat hier staan en se "dankie tog" aan jul vader dat julle eendag hemel toe sal gaan. In hierdie stille gebed, vind die wysheid om in liefdesaak, ten spyte van jou oortuiging, ruimte te laat vir mense wat andersdenkend is en ook soek na hul eie verlossing. Of, julle kan my kom uitwis in 'n herhaling van die Middeleeuse kruistogte?
Jan

Dankie, dankie, dankie! Hierdie website het my lewe gered! Ek't so alleen gevoel, geïsoleerd en totaal en al afgesny; maar nou sien ek dat ek nie alleen is nie. Ek is nie mal of van die pad af nie. Dankie vir die nuwe woordeskat en nuwe idees wat my verseker tuis laat voel. En vir dok Abel wil ek net sê, jy is my hero!
Anne Mitchell (Tamboerskloof, Kaapstad)

"Dit is om vry te wees; vry van valse grense – mensgemaakte grense, mensgemaakte tronke, mensgemaakte dogmas en idees!" Abel en sy sentrum bring vir ons insig om te kan sien dat daar eintlik geen grense is nie! Doe so voort!
Piet Botha

Nou lees ek in Rapport hoe Abel daar elke week skryf. Wat 'n grap! ABEL SE FABELS, dis wat ons dit hier by my kerk noem. Julle almal hier is een groot TRAGIESE grap.
Anoniem

Briewe Maart 2012

Ek het onder die swepe van verskeie NG kerke grootgeword en 'n diepe optimisme het my laat smag na hierdie God wat hulle van praat. Ek dink op een of ander stadium is ek deur hul ervarings oortuig dat hierdie God van hulle nie met my wil praat nie en die rede moet wees dat ek 'n slegte en sondige skepsel is. In 1994 verloor ek 'n geliefde en in my soektog, besluit ek om alles uit te gooi wat ek deur enige mens geleer is. Dit sluit natuurlik in boeke geskryf deur laasgenoemde. Ek moet jou sê dat om 'n boek deur God geskryf in die hande te kry is bokant Amazon en Kalahari en dié ouens se vuurmaakplek. My uitgangspunt was die volgende: As spiritualiteit beskikbaar is aan die mens, dan moes dit daar gewees het vanaf die geboorte van mensdom. Dit moes wees vir 'n 3 maande oue baba of 'n ou mens wat nie kan lees nie. Gelyk ten spyte van jou akademie of nasie, jou kleur of geboorteplek.
Dis nou 17 jaar later in hierdie soeker se lewe en as hierdie brief vir 'n ander soeker kan help, sal ek bly wees. Ek het vir 5 jaar berg geklim as 'n werk in verskeie dele van ons land, dus die analogie.
Ek was daar in die Suid-Kaap teen die hange van een van die groot kus-berge. Was omtrent 11:00 in die oggend en die fynbos hang dik en die asem trek swaar. Dors man, daai wêreld laat jou met dors in die hangende hitte. Was my vroeë dae en my water in die bottel was na-aan klaar. Ek het besef ek moet iewers water kry. Gesoek jong ... 'n stroompie – niks, watervalletjie iewers – niks, poeletjie met water – niks, fonteintjie – niks. In hierdie soektog al klimmend na bo, begin die middag-mis die berge toetrek en my enigste rigting is hoogte. Dis benoud daardie tyd met al daai bos en 'n dik mis wat jou toevou. Ek het gestop om asem te skep en met die, afgekyk na my arm. Honderde druppels water hang teen die haartjies.
Groetnis, Jan Nezar

Ek sal graag deel wil word van die beweging. Hoop dit is moontlik. Ek assosieer 100% met julle denke en visie. Hoe anders sou ons wêreld nie gewees het as daar meer mense soos julle was nie ... kom ons maak dit moontlik!!!
Breyten

Hierdie soeke sal nie bevredig word as dit nie aangepak word, soos Abel dit stel met: deur jou kop en jou hart nie. Albei moet gebruik word, dankie dat julle dit hier prakties illustreer!
Ferdi Claasens

Arme Abel! Ek sien jy word darem baie in die koerante gelooi! Nou die dag in Rapport lees ek nog so rustig toe lees ek die artikel raak: "Een waarheid, net in die Bybel." Gelowiges wat die waarheid buite die Bybel gaan soek, sit die pot mis, skryf die ene C.M. Viljoen. En dan kap hy jou as die grootste een wat die pot mis sit! Hahaha!
Anton van Niekerk

Alles het te make met die soeke na sin en die wonder oor spiritualiteit as sulks. Dankie Abel jy en jou mede artikel-skrywers, het die laaste jaar of wat vir my 'n belangrike rigtingwyser geword. Hou so aan! Wat julle doen is waardevol vir baie mense.
Koos van der Merwe

Beste Abel
Ek skryf hierdie epos met groot dankbaarheid in my hart teenoor jou vir jou waagmoed en leierskap. Vanmiddag, terwyl ek die resensie van jou boek Saam op soek na God gelees het, het die trane oor my wange begin rol, trane van verligting en blydskap! Ek het in 'n 'andersdenkende' gesin (Oosters / Mistieke – sedert my 10de jaar in die sestigerjare) grootgeword te midde van 'n Afrikaanse gemeenskap. Wat ek sedertdien beleef het is 'n soort spirituele 'apartheid' wat nie slegs diskrimineer nie maar ook veroordeel en verdoem. Ek verstaan vandag dat sulke reaksies uit vrees gebore word en dat dit maklik is om te vrees dit wat jy nie verstaan nie, maar, dit het wel 'n leemte gebring om met ander eendersdenkende Afrikaners te kan omgaan en in 'n atmosfeer van Liefde te verskil en te groei. 'n Mens wil tog ook jou identiteit as Afrikaner behou maar nie ten koste van jou lewens- en wêreld-beskouing nie. Dankie, nou kan meer van ons soveel gouer die pad van genesing betree!
Groete HdT

Luister Abel en die ander goddeloses: God het net EEN WAARHEID aan die mense gegee. En dit wat JULLE HIER DOEN IS NIE DIT NIE! Ruk julleself reg of berei julle voor vir 'n baie lang tyd in die hel!
Piet Erwee (namens VEGTERS VIR DIE LIG)

Ek sal vir jou bid, want ek glo aan elke woord wat in die Bybel opgeteken staan en ook in die volgorde daarvan en dat dit die woord van God is. Ek het 'n ontmoeting met die Shekianha Glorie van Onse Vader gehad en ek weet dat my God 'n Lewende God is en dat daar wel 'n satan is wat wil steel, slag en verwoes en dat hy rondbeweeg soos 'n brullende leeu op soek na maklike slagoffers wat sy bestaan weg redeneer en hom sodoende soveel beweegruimte gee waarin hy kan opereer om sy primêre funksie in hierdie aardse bestaan van ons te kan vervul. God het intersessors en 'n reeks gelowiges wat Goddelik uitgekies is vir hulle take om vir die "ander" in die bresse te tree en vir hulle hulle saak kan bepleit by die Almagtige deur Jesus die Christus deur die werking van Die Heilige Gees. Die mense is op die aarde geplaas want:
Joh 3:16, Want so lief het God die wêreld gehad, dat Hy sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê.
Frik en Hantie Loubster, Gert Breda, Jaco-Jan van der Merwe,
Hannelie de Villiers en Stefan Koster

Ek wil voorstel dat die slegsê-briewe wat ewe getrou op die SES webruimte geplaas word, in die toekoms weggelaat word. Die mense dra geensins tot die debat by nie. Hulle borrel net maar gif en/of clichés uit. Dit doen myns insiens afbreek aan al die kundige artikels wat oordeelkundig versorg en geselekteer is.
SES-lid

Briewe Februarie 2012

Ag nee wat Thys Lübbe! Jy begin so apologeties met "In die heel eerste instansie wil ek net konstateer, ek is nie van plan om te oordeel, veroordeel nie...", en dan gaan jy voort en al wat jy doen is om hoogdawerend te oordeel en veroordeel. Jy en die sulkes soos jy is presies die rede hoekom ek my rug op die kerk gedraai het. Hoe kan 'n mens dit uithou met sulke skynheiligheid. Ek is nou 78 jaar oud, ek het gedien op al wat raad was en ongelukkig moet ek sê dat vandag kyk ek terug op 'n klomp lyke wat die kerkrade agtergelaat het. Bitter min goed het gekom van my deel wees van die kerk. Ek persoonlik dink dit is omdat die kerk hulle lede "soos kindjies laat glo" wat maak dat hulle optree soos kindjies ... stoute en selfsugtige kindertjies.
Oom Piet Vermaak (Gordonsbaai)

Abel se nonsens praatjies is maar lekker skynheilig! Hy probeer maar net dissipels werf ... jy kan tog nie met sulke lamsakkige argumente iets van waarde sê nie!
Fred van der Heever

Februarie se artikels was vir my verkwikkend. Dankie SES.
SJ Croukamp

Miskien het ek te veel verwag, maar SES het ongelukkig nie veel vir my gedoen nie. Die artikels is intellektueel maar ongelukkig nie dinamies en kreatief nie ... maar miskien is my verwagtings misplaas.
Pieter Goosen

Wie is Thys Lübbe? En hoekom meen hy dat hy vanuit 'n hoogte links en regs sy (duidelik oningeligte) mening mag gee? SES is tog 'n ruimte vir vrydenkers en indien iemand veroordelend en hoogwaardig wil wees, dan verstaan hy duidelik nie die reëls van oop religieuse dialoog nie. Thys – lees, leer en bedink eers. Vorm dan stadig 'n nederige opinie en kom gee dit dan eers.
Jannie Jordaan (Tamboerskloof, Kaapstad)

Baie dankie vir die boekresensies elke maand! Dit help regtig baie om so 'n vinnige oorsig oor 'n boek te kry. Baie dankie dit is van groot waarde.
BoekLiefHebber van Houtbaai.

Elke maand se SES is 'n grootse ervaring.
Egbert (uit New York, VSA)

Wonderlike, wonderlike, wonderlike leesstof.
LG

Abel, dankie vir jou visie en inspirasie. Jy is besig om te ontwikkel in die stem vir 'n nuwe generasie vrydenkers. Bly sterk staan!
Roelof Verbeeck

VIVA! SES! VIVA!
Johan

Thanks SES! Ek het julle per ongeluk ontdek ... nou sal ek julle gereeld besoek!
Uitruilstudent, Duitsland

Briewe Januarie 2012

Geagte Klasie, jou "Manifes van 'n Lafaard" verwys.
Jy sal sien dat ek onder 'n skuilnaam skryf, grotendeels om dieselfde redes as wat jy aanvoer. Maar ek wil vir jou 'n trooswoord gee: daar ís baie mense wat soos ons dink! Ek het al die volgende treetjie begin gee en versigtig uit die kassie begin loer. Ek het my voorgeneem om dit nie aan die groot klok te hang nie maar as iemand met my daaroor sou praat, ek eerlik sal wees en sê ek is 'n vrydenker, ek is deel van die Nuwe Hervorming. Dit is toe presies wat ek gedoen het. En toe ontdek ek drie dinge, grootliks tot my verbasing!

  1. Van dié familie en vriende van wie ek verwag het om dit te verstaan, het heftig daarteen gereageer;
  2. Van dié familie en vriende by wie ek nooit sulke "vrydenkergedagtes" verwag het nie, worstel al lankal self met twyfel maar uit vrees vir verwerping, het hulle dit diep weggesteek.
  3. Maar my grootste verbasing is dat géén van ons familie of vriende, daarvóór of daartéén, het tot hede ons gesin, almal vrydenkers, verwerp nie!

Nie al ons familie en vriende weet wat ons standpunt is nie, en ek glo dat binne ons gemeenskap weet seker niemand nie, vandaar my skuilnaam. Maar ek glo dat met tyd sal vrydenkers al hoe minder as gevaarlik gesien word en uiteindelik bloot nóg 'n deel van die moderne samelewing wees.
Ons moet net geduldig en rustig wees.
Groete 'Frederik'

Abel, die nuwe jaar het met briljante artikels begin. Klasie het so presies my eie situasie verwoord. Die ander artikels is darem so vol bewyse en intelligente argumente dat dit enige denkende mens moet laat dink. Ek het egter ook baie simpatie met die wat weer so veroordelend en vervloekend is. Dat hulle wel die webwerf besoek wys egter dat hulle ook soekend is. Ek weet hoe moeilik dit is om die kopskuif te maak uit die breingespoelde denke. Ek het gelukkig al van die skuldgevoelens ontslae geraak en kan nog kerktoe gaan en die preke heel anders interpreteer.
Baie dankie aan al die artikel-skrywers wat met soveel logika hulle saak kan stel.
Vollie

Abel goeiedag.
In die heel eerste instansie wil ek net konstateer, ek is nie van plan om te oordeel, veroordeel nie. Dit is Vader se voorreg.
Ek is maar net 'n doodgewone lidmaat van die Liggaam van Christus, maar ek wil dit graag onomwonde stel. As dit nie was vir die kosbare woorde in Luk 1:37 "Niks is vir God onmoontlik nie”, dan het ek dalk ook getwyfel. As dit nie was vir manne soos Brother Yun en Angus Buchan, vele ander soos hulle nie, dalk ook.
Vandat jy die eerste keer bepaalde opmerkings oor God gemaak het, al sou hy nie 'n persoon wees nie (hoop ek het reg verstaan), het ek al baie gewonder waarom dit regtig nodig was dat jy die media moes "misbruik" om jou standpunt aan die orde te stel. Nietemin jy het dit gedoen en so het ook vele ander mense van hulle laat hoor.
Ek het pas die boek OPGESTAAN van Ferdie Mulder gelees en dit is puik, maar ook baie hartseer. Ek twyfel vir geen oomblik daaraan dat dit nie die waarheid is nie. As dominees sulke dinge kwytraak dan weet ek nie wat se saad in die harte van gewone lidmate besig is om te ontkiem nie. Veral dominees wat anoniem wil bly en nie bereid is om hulle name bekend te maak nie. Onthou die gees van twyfel word aan lidmate wat voor sulke dominees in 'n erediens sit, oorgedra.
Indien voormelde betwyfel word, kom ons kyk 'n bietjie na God se skepping, veral na die skepping van die mens, die kwessie van LEWE waarvoor wetenskaplikes nog geen antwoord kon vind nie – ook die skepping van die HEELAL. Dan wil ek vandag getuig – God IS wat HY IS – Hy het alles gemaak en deur Sy Seun het alles tot stand gekom. Die Woord sê en daarom is dit so!!! Ek glo dit met my hele wese. Hoekom sal enigiets vir God onmoontlik wees as Hy lewe kan skep asook die heelal.

Dis wanneer "slim en geleerde" mense oor al hierdie dinge begin redeneer dat daar twyfel ontstaan. Dat die onfeilbare Woord van God nie meer die norm is nie. God wil nie hê ons moet redeneer nie, maar ons moet GLO DAT HY TOT ALLES IN STAAT IS!!!!!
Daarom kan ek van my kant maar net sê, manne en vroue julle wat twyfel, gaan lees gerus die boek van Gideon Joubert getiteld DIE GROOT GEDAGTE! O, gaan lees sommer ook THE HEAVENLY MAN van Brother Yun. 'n Persoonlike getuienis van 'n man wat in die 21 ste eeu waarlik in die krag van God geleef het en in wie se lewe daar aangrypende onverstaanbare bonatuurlike dinge plaasgevind het.
Dink ook aan die getuienisse van Andrew Murray, Hudson Taylor, Smith Wigglesworth, Watchman Nee, Broer Andrew en vele ander. Stephan Joubert sê DIT KOS GUTS OM TE BLY GLO. Gaan lees dit gerus, want dit was nooit die bedoeling dat alles "plain sailig" sou wees nie!
Laastens, op 'n dag bely 'n vriend van Ferdie "Die God van die Bybel bestaan nie regtig nie" en "Ek het my geloof in God verloor". Wanneer "slim en geleerdes" in veral die akademiese kringe met hulle "gesofistikeerde denke en wetenskaplike insigte van die 21 ste eeu" hierdie tipe uitsprake maak, dan skree dit ten hemele. Maar dan moet ons ook besef dat Jesus reeds in sy tyd daaroor gemaan het – Mat 11:25 & Luk 10:21. So, eintlik is dit nie 'n verrassing nie!
My dierbare broeder in Jesus Christus, los al die baie slim en geleerde redenasies en geredekawel. Bly weg van sulke mense – hulle het te slim geraak. Moenie na hulle luister nie! Moenie probeer om God te verstaan nie, bly weg van mense wat die saad van twyfel in julle koppe saai.
Dink maar net aan die effek van voëlent wat 'n doringbos uiteindelik vernietig! Raak onslae daarvan – knoop opnuut weer 'n persoonlike verhouding aan met Vader deur Sy Seun die Opgestane Here Jesus Christus en in die krag van die Heilige Gees!
Stefan Joubert het al verskeie kere gesê word weer soos 'n kindjie en glo!!!
Thys Lübbe (Pretoria)

Julle is op die verkeerde pad, verstaan julle dat julle voorland is die Hel! Almal wat so geskok is oor die Christene wat veroordelend skrywe moet weet dat dit uit 'n plek van liefde en omgee kom. Elkeen hoop om julle wakker te maak vanuit julle dwalings. Want julle besef duidelik nie dat julle verlore is nie. Kyk maar net hoe arrogant Abel homself wys vir die wêreld. Onthou maar net wat daar gesê word oor die van julle wat ander laat struikel! Mat 5:29: As jou regteroog jou dan laat struikel, ruk dit uit en gooi dit weg van jou af; want dit is vir jou beter dat een van jou lede vergaan en nie jou hele liggaam in die hel gewerp word nie. Mar 9:44 waar hulle wurm nie sterf en die vuur nie uitgeblus word nie. Mar 9:46 waar hulle wurm nie sterf en die vuur nie uitgeblus word nie. Mar 9:48 waar hulle wurm nie sterf en die vuur nie uitgeblus word nie. Dit is hoekom Christene hier skrywe en waarsku!!
– WARECHRISTEN

Dag Abel,
Dankie vir die voorreg om die SES artikels ens. vir ons bereikbaar te maak, dat ons kan deelneem aan leersame, vernuwende denke en oorwegings wat so beskikbaar gestel word. Dit word waardeer. Selfs die mengsel van positiewe en negatiewe strydkrete is goed om mense beter te leer ken.
Gert Brynard

Ek het Klasie se artikel gelees en kan net sê dat ek dieselfde ervaring as hy het. Ek het ook deur die briewe kolom geblaai en wat opmerklik is, is die venyn van die Christene. Ek verwys veral na Potgieter Jacobs.
Gerrie

Jesus sê: Ek is die weg en die waarheid en die lewe; niemand kom na die Vader behalwe deur My nie (Joh. 14:6). Wat hiervan verstaan julle nie? Ek sal dit kom verduidelik aan elkeen wat dit nie verstaan nie!
Pieter Ernst

Een bemoedigende groet uit Vlaanderen – België met veel 'god-in-ons' en 'wij-in–god'. In zijn tijd dacht Jezus: "Freedom is the right to tell people what they do not want to hear" (George Orwell). Jullie doen dit ook! Volhouden!
lieve groet Hilde

Baie dankie vir hierdie eerlike ruimte waar ek myself so tuisvoel. Wat 'n verligting ek is nie alleen nie. Dankie! Wat 'n voorreg om deel te wees, dankie!
Magdel du Toit (Witrivier)

Dr Abel, Ek kan nie glo jy is 'n DR nie! Jy lyk my het nie eens genoeg verstand om die Bybel te verstaan nie. O maar wag, sonder die HG kan niemand die boodskappe uit die Bybel verstaan nie. As jy nie gelei word deur "Onse Vader" nie bly jy blind en doof vir die WAARHEID. So miskien beteken jou DR graad dan ook nie veel nie – shame!!
Hendrik de Jager

Ek is 'n student by Tuks en wil net sê – Dok A, jy is 'n legend! Ons kan nie wag vir jou weeklikse blogs nie ... en hierdie site is al vir baie 'n besprekingspunt!
Marli &Co.

Briewe 2011, 2010  »

.

Sluit by ons aan

Klik hier om lid te word van die Sentrum vir Eietydse Spiritualiteit. Word per e-pos in kennis gestel en kry afslag op dagkonferensies, kursusse, boeke, DVD's ens.

Dr. Piet Muller: Die Evangelie van Thomas

Die Evangelie van Thomas - met verklarende aantekeninge

Dr. Piet Muller se groot werk, Die Evangelie van Thomas – met verklarende aantekeninge nou op SES in PDF formaat (1.3 MB) of Kindle weergawe (0.5 MB).

Die Dans met God

Die Dans met God

Boek:  Die Dans met God (2015) deur Dr. Abel Pienaar. Die eens onaantasbare dogmas wat aan ons as die absolute waarheid voorgehou was, word nou al hoe meer bevraagteken. Dit beteken egter nie dat wanneer iemand nuut dink oor God en geloof, so 'n persoon nie ook spiritueel is nie. Die teendeel is eerder waar. Die boek is beskikbaar in boekwinkels (R189) en kan ook bestel word by Naledi Uitgewers.

DVD: Saam op soek na God

Saam op soek na God

Gewone mense en bekendes word gevra om oor hulle oortuigings en geloof te praat. Vrae soos: Wie is God vir jou?
Het jy enige bewyse van God se bestaan? Ons het gelowiges tot ateïste, new agers tot wikka hekse gaan vra. Die DVD kos R130 maar vir Sentrum (SES) lede net R110.

Boek: Hier staan ek...

Duisende Afrikaanse mense voel verwyderd van fundamentalistiese sienings van Christenskap en verlaat die tradisionele kerke in hul hordes. Hulle voel dikwels skuldig en alleen en is onder die indruk dat daar iets met hulle fout is. Hulle soek nuwe Afrikaanse gespreksgenote en gemeenskappe waarin hulle hul nuwe spiritualiteit kan uitdruk. Hierdie boek is die resultaat van sodanige gesprekke. Beskikbaar by Griffel of bestel direk by Boekblik.

Jesus van Nasaret

Jesus van Nasaret

Boek:  Jesus van Nasaret (2009) deur Prof. Sakkie Spangenberg. "In Jesus van Nasaret is Spangenberg op sy beste. Hy skryf oor die feilbaarheid van die Skrif en verduidelik uit 'n suiwer historiese oogpunt hoe Israel ontstaan en wie Jesus was." Beskikbaar by Kalahari, Exclusive Books, Protea Boekwinkel, of by die skrywer.

.

Kopiéreg © spiritualiteit.co.za

.