Hartlik welkom!
Die webbladsy van die Sentrum vir Eietydse Spiritualiteit is 'n ruimte waar Afrikaanse mense die nuwe inligting oor die kosmos, aarde en lewe integreer met die sienings wat hulle kry by hulle wêreldbeeld, hulle kultuur konteks, verskillende filosofieë, wetenskap, die Christelike godsdiens en ander godsdienste. Dit is 'n ruimte vir mense wat nie bang is om oor hulle soeke na sin te praat nie. Ons besef dat ons almal reisigers is wat besig is met ons eie lewensreis. Op hierdie reis het ons nodig om mede reisigers te vind wat saam met ons kan soek en stap. Hierdie webbladsy is bedoel om so 'n ontmoetingsplek vir Suid-Afrikaanse reisigers te wees.
Saam op soek na God – Soeke na 'n eietydse spiritualiteit is 'n eerste in Afrikaans. In gemaklike styl en taal word die boek 'n tweegesprek met die leser oor universele geloofsvrae. Abel probeer nie die leser oortuig nie en bied ook nie sy gedagtes aan as die aller-antwoord nie. Hy begelei die leser deur 11 – spirituele besinnende – tweegesprekke oor die soeke na eietydse sin in die hier en nou.
Saam op soek na God ISBN 978-1-920424-084
R120. Beskikbaar vanaf Mei 2010 by toonaangewende boekhandelaars asook direk van Griffel of by On The Dot, 0861668368 of by SES.
Op 31 Oktober 2009 bied Dr. Abel Pienaar 'n dagkonferensie aan in samewerking met Renaissance Gemeente en die Nuwe Hervorming Netwerk. Die tema van die konferensie is "Soeke na 'n eietydse spiritualiteit". Die dag se oorweldigende sukses bevestig wat Abel op daardie stadium net vermoed het, naamlik dat die tyd reg is vir mense om oop en eerlik te kan saamgesels oor hulle soeke na sin in die hier en nou. Daarmee saam die onvermoë van godsdiens en religie om hulle te help met die postmoderne konteks waarin hulle hul bevind. In die weke daarna begin Abel gesels met kenners en voorlopers op die gebied van spiritualiteit, en op 20 November 2009 word die Sentrum gestig.
Sluit by ons aan
Word gerus lid van die Sentrum! Lede word in kennis gestel van, en kry afslag op dagkonferensies, kursusse, boeke, DVD's ens. Copy en paste gewoon hierdie vorm na u e-pos program (slegs u naam en e-pos adres is onmisbaar) en stuur dit aan
Hiermee doen ek aansoek om lid te word van
die Sentrum vir Eietydse Spiritualiteit (SES).
My eie Naam en Van:
Titel:
E-pos adres:
Tel/Sel:
Woonadres:
Stuur dit asb, vanaf elke adres waar u ons e-pos wil ontvang. (U kan dus nie namens iemand anders aansluit nie.) Dit is nodig dat ons uitdruklike toestemming op rekord hou van wie op ons adreslys wil wees. Daarsonder mag ons ongelukkig nie aan u e-pos stuur nie. Ons glo verder aan privaatheid vir almal en belowe om nooit u kontak besonderhede met ander deel nie.
"We make our world significant by the courage of our questions and by the depth of our answers." – Dr. Carl Sagan
Stuur vir ons 'n brief
Ons stel belang in jou reaksie en kommentaar op enige gegewe artikel en jou denke rondom die soeke na eietydse spiritualiteit. Besoek asb. hierdie bladsy vir meer inligting.
DVD: Saam op soek na God
Gewone mense en bekendes word gevra om oor hulle oortuigings en geloof te praat. Vrae soos: Wie is God vir jou?
Het jy enige bewyse van God se bestaan? Ons het gelowiges tot ateïste, new agers tot wikka hekse gaan vra. Die DVD kos R130 maar vir Sentrum (SES) lede net R110.
Diaspora van die
nuwe Christene
Boek: Diaspora van die nuwe Christene deur Dr. Flip Schutte (2009). Hy skryf oor die geloof van 'n nuwe geslag Christene: Wie is God / die Goddelike vir hulle? Wat verstaan hulle onder "God se Woord"? Hoe beleef hulle dit om, soos die Jode buite die landsgrense van Israel, as 't ware in die diaspora te lewe – buite tradisionele geloofsgrense? Hy skryf aangrypend oor die aard en oorsake van die postmoderne spiritualiteit. R155. Beskikbaar by toonaangewende boekhandelaars asook direk van Griffel.
Kopiéreg © spiritualiteit.co.za